Doda latifalar

Bir odam avtomobilini katta tezlikda haydab ketayotsa, GAI xodimi to‘xtatib so‘rabdi:
— Nega bunchalik gazni bosib kelyapsiz? - desa haydovchi:
— Yo‘llarimiz ravon, yurtimiz tinch bo‘lsa... Sizdek posbonlarimiz xizmatda bo‘lsa... Nimadan qo‘rqamiz!? Bosamizda gazni, - desa GAI xodimi g‘ururlanib:
— Oq yo‘l! - degan ekan.

Menda bor odatlar sizda ham bormi?
— Yogurtni ochganda, birinchi bo‘lib qopqog‘ini yalab qo‘yasizmi?
— Telefoningizga kelgan sms ni o‘qib, ba’zida ovoz chiqarib javob berasizmi?
— Yoqimli sms larni qayta-qayta o‘qib ko‘rasizmi?
— Eshik yopiq turganini ko‘rsangiz ham baribir tortib ko‘rasizmi?
— Yerdagi bruschatkani ustidan yurib ketayotib, faqat bir xil shakllarini bosishga harakat qilasizmi?
— Kechasi yotoqxonangiz chirog‘ini o‘chirgach, kravatgacha telefoningizni chirog‘ini yoqib yetib olasizmi?

Bir ayolni uyiga dugonasi mehmonga kelibdi.
Haliga ayol kichkina o‘g‘liga:
— Bolam, xolajoningni o‘pib qo‘ymaysanmi? – desa, bolakay:
— Yo‘q, - debdi.
— Nega o‘g‘lim? – deb so‘rabdi onasi.
Bolakay:
— Hozir adam o‘pib qo‘ygan edilar, xoladan shapaloq yeb oldilar, - dermish.

Yoshim 25 da bo‘lsa ham, hafta kunlarini eslasam, maktabdagi kundaligim ko‘z o‘ngimga keladi.
Sizlarda-chi?

Odnoda bir qiz “Hayotni jiddiyga olmang, hammasini o‘z holiga tashlab qo‘ying” deb yozibdi. Bu gapdan ilhomlanib, butun oilamiz bilan kommunal to‘lov qog‘ozlarini ustida pista chaqib o‘tiribmiz.

— Taksi bilan ot-aravaning nima farqi bor?
— Hech qanday farqi yo‘q!
— Nega?
— Chunki ikkalasi ham yo‘lni xohlagan joyida to‘xtab odam olib-tushiraveradi.

Yigit qizga debdi:
— Qalaysan?
Qiz:
— Yaxshi, duolaringiz bilan yuribman...
Yigit:
— Meni duolarim bilan bu paytgacha yurmasliging kerak edi, - dermish.

Ikki do‘st arazlashib qolib, qozini oldiga borishibdi.
Qozi “Ertaga kelinglar. Muammoni ertaga yechamiz” deb qaytarib yuboribdi. Qozixonadan chiqqan yigitlardan birining fikri buzilib, qozini oldiga qaytib borib 40 tilla tanga pora beribdi. Qozi ishni uning foydasiga hal qilib berishga va’da beribdi. Yo‘lda ketayotgan ikkinchi do‘st ham qoziga borib 100 tilla berib, u ham ishni o‘z foydasiga hal qilib berishni so‘rabdi. Qozi uni ham pulini olib qolibdi.
Ertasiga aytilgan vaqtga do‘stlar qozining huzuriga borishibdi va o‘z muammolarini hal qilib berishni so‘rashibdi. Qozi ularni eshitibdi-yu, bir so‘z demay jim o‘tiraveribdi. Biroz vaqt o‘tgandan keyin birinchi do‘stni sabri chidamay qoziga bergan 40 tilla tangani eslatib qo‘yish maqsadida debdi:
— Qozi buva, gapni dangal, qirqib-qirqib gapirmaysizmi desa, qozi:
— Ha, qirqib-qirqib gapiray desam, do‘stingni yuzidan o‘tolmay turibman-da, - dermish.

Er uyiga kelsa, iftorlik dasturxoni tuzalgan. O‘rtada sham yonib turibdi.
Er:
— Ha onajonisi, bu romantika nimani belgisi? - desa, xotin:
— Bu romantik ujin svetdan qarzimizni belgisi, - degan ekan.