Doda latifalar

Xusan, do‘stidan hafa bo‘lib, shunday dermish:
— Iting senga do‘st bo‘lsa yaxshi, lekin do‘sting it bo‘lsa yomon.

Ikki talaba och qoringa sigaret chekib o‘tirsa, qovurilgan go‘shtning hidi kelibdi.
Birinchi talaba:
— Ana kimdir go‘sht qovuryapti, - desa.
Ikkinchi talaba:
— Qanaqa go‘sht, mani sigaretimga pashsha qo‘ndi, - dermish.

Biznesmendan qanday qilib millioner bo‘lganini so‘rashdi.
— Xotinim tufayli.
— Qanaqasiga?
— Qancha pul topganimda xoti­nim pul yo‘qligidan nolishni to‘x­tatishini bilmoqchi edim...

To‘rt ulfat oylik maoshini olib bir o‘tirib, ulfatchilik qilaylik deyishibdi. Ulardan yoshi kattarog‘i aytibdi:
— Kelinglar tanga tashlaymiz, agar tanga oldi tarafi bilan tushsa, saunaga borib bir miriqamiz, agar orqasi bilan tushsa qizlarni olib, toqqa chiqib, dam olib kelamiz, agar qirrasi bilan tushsa pivoxo‘rlik qilamiz, mabodo tanga yerga tushmay havoda muallaq turib qolsa, oyligimizni bir tiyinini ham sarflamay, xotinlarimizga olib borib beramiz! — debdi.

Xotin o‘ynashi bilan yotsa eri ishdan erta kelibdi, xotin o‘ynashiga yashirining desa, u televizorni orqasiga yashirinib olibdi. Xotin eshikni ochib:
— Ha, dadasi erta kelibsiz ishdan desa
— Futbol bor ushanga shoshilib keldim deb televizorni qo‘yib futbolni ko‘rib yotib, birdaniga xotin—xotin deb qopti.
Xotini oshxonada endi o‘ldim deb:
— Ha, dadasi desa
Eri:
— Aytsam ishonmaysan, hozir hakam bitta o‘yinchiga qizil kartochka ko‘rsatuvdi, o‘yinchi bizni uydan chiqib ketdi dermish.

Eri ichish va chekishni tashlagan ayollar, ularni boshqa kamchiliklarini seza boshlashadi.

Iltimos, mol-mulklarimni qizil kitobga kiritsangiz. Ular butunlay yo‘qolib ketish arafasida!

Koronavirusning yangi Omikron shtampining asosiy belgilari: charchoq, bosh og‘rig‘i, holatsizlik, suyaklarni og‘rishi...
Xullas, har kun tongda bizda kuzatiladigan holat!

Raketa oynalarini tonirovka qilib olgan kosmonavtlar oyni ko‘rmasdan yonidan uchib o‘tib ketishdi.

Kuyov mashinada qaynonasi bilan ketayotsa, YPH xodimi to‘xtatib, hujjatlarni tekshira boshlabdi.
— Haydovchilik guvohnomangiz, talon, sug‘urta, ...
— Mana, mana, mana! Ko‘rsatibdi kuyov.
Hamma hujjatlar joyida ekan. Xodim:
— Endi kuf deng-chi! – debdi.
Bunisi ham “toza”!
Orqa o‘rindiqda o‘tirgan qaynona gap boshlabdi:
— Ha juvorma bo‘lgur! Hech narsa topa olmadingmi?
Xodim:
— Bu gapingiz xizmat vaqtida meni haqorat qilishga kiradi! Chora ko‘ramiz, - desa, kuyov:
— Mana jinnixonadan ma’lumotnoma, - debdi.