Doda latifalar

Nasafiy degani yangi ashula aytibdi. Uni kuylagan ashulalarini reanimatsiya bo‘limidagi bemorlarga 5 martta qo‘yib bersangiz, tezroq tuzalib, reanimatsiya bo‘limidan qochib chiqib ketib qolishadi.

Ta’qiqlangan joyda baliq ovlayotgan odamni yonida inspektor kelib:
— Sizga katta miqdorda jarima yozaman, - debdi.
— Nima qilay inspektor!? Bu yerda dam olib o‘tirsam, shu baliq o‘zi suvdan chiqib kelaveradi, - debdi.
— Qanday qilib? Qani ko‘rsating-chi?! - desa, haligi odam baliqni suvga tashlab yuboribdi.
— Qani baliq chiqib kelayotgani? - debdi inspektor.
Haligi odam:
— Qanaqa baliq? Men bu yerda shunchaki dam olib o‘tiribman! - degan ekan.

Baliq ovidan yaxshi kayfiyatda qaytgan er xotiniga:
— Qara, qancha baliq tutganimni! Bugun ovim baroridan keldi! - debdi.
Xotini:
— Aldamang! Shuncha baliqni o‘zingiz ovlamagansiz! Qo‘shnimiz sizni baliq do‘koniga kirib-chiqganingizni ko‘ribdi-ku! - desa, eri:
— To‘g‘ri, kirdim. Tutgan baliqlarimni yarmini sotib yuborishga to‘g‘ri keldi-da! - dermish.

Bizni shaharimizda qoidalar juda oddiy.
Yog‘ingarchilik boshlandimi? Demak, ko‘chalarga asfalt qilinadi.
Asfalt qilindimi? Demak suv quvurlari almashtiriladi.

Bir xonali uyga sig‘gan narsalarimiz 2 xonali uyga sig‘may qolishi allaqachon isbotlangan.

Ikki yigit:
— Yoshim o‘tib qoldi do‘stim.
— Nega unday deyapsan?
— Avvallari "Nega uylanmayapsan?" deyishardi. Endi bo‘lsa, "Nega shu paytgacha uylanmagansan?" deb so‘rashyapti.

Ayol yuzingizga tarsaki tushirsa, demak u yaqindan tanishishga rozi.

Qimmatbaho mo‘ynali palto sotib olgan ayol sotuvchidan so‘rayapti:
— Bir narsa iltimos qilsam maylimi? Paltoni uyga eltib berishganda, menikiga kirishdan oldin “adashib” qo‘shnimning eshigini taqillatishlarini xohlardim.

Agar yigitlar 25 yoshgacha uylanmasa, undan keyin hammasi "hali yoshman" deydigan bo‘ladi.