Doda latifalar

Oilada tinchlik bo‘lishi uchun er-xotin kamchiliklarga ko‘z yumushi kerak deyishadi.
Savol: Qachon ko‘zlarni ochsa bo‘ladi?

— Ayolning erkakdan farqi qoldimi?
— Ha, qoldi.
— Nima?
— Ayol ona bo‘lganini darrov biladi. Erkak esa bir umr bilmasligi mumkin.

Otasi bolasiga debdi:
— O‘g‘lim sigaret chekma! Aroq ichma!
Bolasi:
— Ada, nega g‘alati gapiryapsiz?
Otasi:
— Og‘zimda nos bor-da bolam!

Bir kuni quyon bilan ayiq tish sindirishdan garov bog‘labdi.
Quyon ayiqni bir ursa, ayiqni 4 ta tishi to‘kilib tushibdi.
Ayiq quyonni ursa, 2 dona tishi tushibdi. Shunda quyon kulib "Boshqa yo‘q!" dermish.

— Allo! Bu jonivorlarni himoya qilish jamiyatimi?
— Ha.
— Xodimlaringizni biznikiga tezroq jo‘nating!
— Nega?
— MIB xodimi daraxtga chiqib olib, itimni haqorat qilyapti.

Rossiyaga borgan o‘zbek yigit yo‘lni topolmay bir rus kishini to‘xtatibdi.
Yigit ruscha gapini tushuntirolmay bir nimalar deyayotsa, haligi kishi "O‘zbekcha gapiraver" debdi.

E’lon:
Dalada qulupnay, bog‘da olma va gilos terish uchun ishchi kerak. Oylik maosh 1 mln. so‘m.
Mabodo, mevalarni terayotganingizda egasi sizni ushlab olsa, meni tanimaysizlar!

Har kuni tongda sevimli mashg‘ulotim – devordagi soatga qarab, ishga kech qolayotganimni kuzatib yotish...

Sarflagan pullarimni yon daftarchamga yozib borishga odatlanganman:
10 ming so‘m yo‘l haqqi.
20 ming tushlikka.
150 ming eslay olmayman.