Doda latifalar

Institutda guruh sardori talabalarga stipendiya tarqatmoqda:
— Azimov.
— Men.
— Mana stipendiya, ol.
— Botirov.
— Men.
— Mana seni stipendiya.
— ...
Shunaqa qilib familiyalarni o‘qib kelaveribdi-da, oxiriga kelganda:
— Jami. Jami kim??? - desa, hech kim indamasmish.
— Yo‘qmi jami? Essiz 3 million puli bor edi-da, - dermish.

— O‘g‘lingiz dars vaqtida rogatkadan otib o‘tiradi, - deb nolibdi o‘qituvchi o‘quvchining onasiga.
— Voy shumtaka-yey! Tug‘ilgan kuniga sovg‘a qilgan to‘pponchani yo‘qotibdi-da, - debdi onasi.

— Isming nima seni?
— Toshtemir.
— Isming buncha qiyin?! Eslab qololmayapman.
— Qurilish qilsangiz eslab qolasiz.

Fdjabgfionshgdlansalomsgsiwgaff
Siz tepadagi so‘zni o‘qimadingiz, to‘g‘rimi?
Lekin men sizga u yerda Salom deb yozganman.
Endi o‘qidingiz...

Karantin davri iqtisodiyotga zarar deyishadi.
Graf Monte Kristo aasari qahramoni esa 14 yil izolyatsiyada o‘tirib chiqib boyib ketadi. Buni ustiga hamma dushmanlaridan o‘ch olib,
bevafo xotinini ham esini kiritib qo‘ygan edi.

— Nima ish qilasiz?
— Internet tezligimni o‘lchab o‘tiraman.

— Ular anchadan buyon birgami?
— Kimlarni aytyapsan?
— Qoshlaringni!

Bemor va vrach:
— Kuniga uch mahal ichsangiz tuzalib ketasiz. Tushunarlimi?
— Dorini nomini aytmadingizku doktor!?
— Dorini nima aloqasi bor?

Sen o‘zingni ulg‘ayganingni bilishing qiyin emas! Hamma narsani go‘sht narxi bilan o‘lchay boshladingmi, tamom!
— Yur, kinoga boramiz!
— Qo‘ysang-chi! Ikki kilogram go‘shtni pulini yo‘q qilib kelamiz...
— Shashlikka boraylik...!