Doda latifalar

Bir kuni podsho Afandining o‘g‘lini huzuriga chaqirdi. Bolaning qaddi-qomati, qoshi-ko‘zi xuddi otasinikiga o‘xshar edi. Uning aqlini ham otasinikiga o‘xshash-o‘xshamasligini sinash uchun bolaga bir tilla bergan edi, u pulni sira olmadi.
— Nega tillani olmaysan?
— Onamdan qo‘rqaman, u begona odamdan pul olmagin degan.
— Yasha,— xursand bo‘ldi podsho,— men onang aytgan begona odam emas, hukmdoring bo‘laman, ola ber!
— Men podsho ekanligingizni bilaman, onam bunga baribir ishonmaydida.
— Nima uchun?—hayron bo‘ldi podsho.
— Agar podsho pul bersa, bir tilla emas, kuproq berar edi, deydi-da.

Bir yigit sevgan qiziga:
— Agar qo‘limda nechta mandarin borligini topsangiz, ikkalasini ham sizga beraman, dermish.

Bir harbiy odam uyiga kelsa, xotini nolibdi:
"Bugun kun bo‘yi biror martta o‘tirmadim. Faqat tik oyoqda bo‘ldim..."
Buni eshitgan er xotiniga debdi: "50 marotaba o‘tirib-turilsin!"

Restoranga kirib ovqatlanayotgan xo‘randa ofitsiantni chaqirib debdi:
— Kechirasiz, restoran musiqachilari pullik xizmat ko‘rsatishadimi?
— Ha, - debdi ofitsiant.
— Unda men pulini to‘layman, iltimos, biroz musiqa chalmay turishsin, men ovqatlanib olay...! - debdi xo‘randa.

Moddiy yordam - bu o‘g‘irlik qilishni bilmaydiganlar uchun kompensatsiya.

Ikkita elektr o‘tkazgich ustunlar bir-biriga qarab debdi:
— Turaverib zerikib ketdim.
— Men ham, - debdi ikkinchisi.
— Yur ketdik, aylanib kelamiz. Bir kun chiroqsiz o‘tirishsa hech narsa bo‘lmas... - degan ekan.

Qiz tashlab kelayotgan yigitini orqasidan baqirib:
"Meni hech qachon unuta olmaysan!" degan ekan.
O‘sha yigit hozir bu gapni kim aytganini eslay olmabdi hatto.