Doda latifalar

Bir kishi ko‘chadan tovuq o‘g‘irlab kelib o‘g‘liga debdi:
— Mana shu tovuqni bozorga olib borib sotib kel.
O‘g‘li ham tovuqni bozorga olib borib yo‘qotib qo‘yibdi.
Uyga qaytib kelsa:
— Tovuqni necha pulga sotding? - debdi otasi.
— O‘zini narxiga berib yubordim ota, - debdi bolasi.

Ikki kishi bir bog‘ni talashib qolibdi. Advokatga borib deyishibdi:
— Bu bog‘ meniki desam, manavi odam meniki deyapti, - deyishsa, advokat o‘ylab turib:
— Bir hafta bog‘ga ikkingiz ham kirmay turinglar, - depti.
Haligi odamlar bir hafta bog‘ga umuman kirishmabdi. Bir kuni sekin poylab kelishsa, advokat bog‘ni ichkarisida o‘g‘li bilan daraxdagi hamma mevalarni terib yurganmish.

Bola buvasidan so‘rayapti:
— Sizni yoshligingizda qo‘l telefoni bo‘lganmi?
— Yo‘q, bo‘lmagan bolam.
— Planshetchi?
— Yo‘q. U ham bo‘lmagan.
— Peydjeriz bo‘lgandir?!
— Yo‘q.
— Dinazavrlarni ko‘rganmisiz buva?
— ...

— Nima ish qilyapsan?
— Bekorchilik.
— Kechayam bekorchi eding-ku!?
— Tugamadi-de hali bekorchilik.

Ikki hamkasbning telefon suhbati:
— Uyda o‘tirib bilasanmi kimga o‘xshab qoldim?
— Kimga?
— Nafaqaxo‘rga. Pul yo‘q, qiladigan ish ham yo‘q!

Favqulotta vaziyatlar vazirligi (MCHS) fuqarolarning telefonlariga SMS yuborish bo‘yicha rekordni Koronavirus tufayli Sog‘liqni saqlash vazirligiga (SSV) topshirdi.

— Nega ishga kech qolib kelyapsiz?
— Uydan kech chiqgandim...
— Ertaroq chiqsangiz bo‘lmaydimi?
— Ertaroq chiqishga kech bo‘lgan edi.

Erkak do‘stidan so‘radi:
— Xotiningga 8 martda nima sovg‘a qilding?
— Erkinlik sovg‘a qildim, erkinlik!