Doda latifalar

— Aytishlaricha, AQShda fuqarolarning pasporti bo‘lmas ekan.
— Unda propiska qayerga qo‘yilarkan?
— U yerda propiska degan narsa yo‘q!
— G‘alati. Unda militsiya to‘xtatsa nimani so‘raydi?
— Militsiya to‘xtatib hujjat so‘rashga haqqi yo‘q...
— Ola, Jumanazar!

“Microsoft Word” dasturi familiyangiz ostiga qizil chiziq tortmay qo‘ydimi, demak, siz chindan ham juda mashhursiz!

Bir kuni komandir postda turgan askar yoniga boribdi:
— Faraz qil, sen turgan postga dushman kelyapti. Seni harakating? – desa, askar:
— Faraz qiling, men akopdaman, - dermish.

Harbiy xizmatga ketishdan avval maktabda o‘qituvchilik qilgan askar armiyaga borib, o‘t o‘ribdi, og‘ir yuk ham tashibdi, yer ham qazibdi, hamma yoni supurib ham chiqibdi. Komandirlar unga:
— Bo‘ldi, endi seni maxsus qismga xizmatga o‘tkazamiz. Sinovdan yaxshi o‘tding, - deyishsa, askar ularga:
— Yo‘q, menga shu yer ham bo‘laveradi. Men o‘zi o‘rganib qolganman, - dermish.

Bolakay:
— Oyijon, menga 1000 so‘m bering.
Ona:
— Nima qilasan?
Bolakay:
— Qari amakiga beraman.
Ona:
— Qayerda ekan u amaki?
Bolakay:
— Hov ana, muzqaymoq sotyaptilar.

Eshak bilan mol tortishib qolibdi.
— Men aqlliman.
— Yo‘q, men aqlliman.
— Yur, odamdan so‘raymiz, - debdi eshak.
Bir odamni topib so‘rashibdi:
— Kim aqlli? Eshakmi yoki molmi?
Odam debdi:
— Mol katta yo‘ldan o‘tayotganda, avval chapga keyin o‘ngga qarab o‘tadi.
Eshak esa yo‘ldan o‘tayotganda molga o‘xshab hech qayerga qaramaydi...!

— Ta’tildan qaytib kelguningcha hamma uy jihozlaring joyida ekanmi?
— Ha, bo‘lmasam-chi! Hatto chiroq ham yoqilganicha turgan ekan.

— Xotinimni tug‘ilgan kuniga nima sovg‘a olishni bilmayapman...
— O‘zidan so‘rab qo‘ya qolmaysanmi?
— Yo‘g‘-ye, unaqa ko‘p pulni qayerdan olaman?!

Bir erkak oyoqda tura olmaydigan ahvolda mast bo‘lib o‘yga kelibdi.
“Jahl otiga mingan” xotini endi baqiraman desa, eri qo‘lini labiga qo‘yib:
— Tsh-sh-sh, jim! Men bir narsa topdim, - debdi.
— Nima? – debdi xotini.
— Sabr qil. Ertalab aytaman, - deb uxlab qolibdi eri.
Tong otishini sabrsizlik bilan kutgan xotin, eri uyg‘onishi bilan so‘rabdi:
— Ho‘sh, topgan narsangizni ayting endi!
Eri:
— Aytsam ishonmaysan... Yangi mayxona topdim, - dermish.

Yosh bo‘lsa ham haqiqatni biladi.
— Bolakay, sen katta bo‘lsang kim bo‘lmoqchisan?
— Katta bo‘lsam, katta bo‘lsam-chi... Albatta butun dunyoni aylanib chiqaman. Hamma davlatlarni ko‘rib, sayyohat qilib yuraman. Ko‘p mashinalarim, millionlab muxlislarim bo‘ladi. Hech qanday ish qilmasam ham katta oylikni olaveraman-olaveraman...
Men katta bo‘lsam – futbolchi bo‘laman!!!