Latifa.uz saytida eng ko'p ovoz olgan latifalar ro'yxati.
Bir kuni pomidor bilan bodring cho‘milayotgan ekan. Yoniga karam kelsa,
— Kel, cho‘milamiz! – deyishibdi.
Shunda karam:
— Hozir yechinib olay, - deb yechinib-yechinib yo‘q bo‘lib ketgan ekan.
Uy ostonasida bolakayning ovozi eshitilibdi:
— Oyi, Oyi, O-yi-joon!
— Nega baqirasan? Mehmonxonadaman, yonimga kirib gapirsang-chi!
Bola onasini yoniga kirib borib debdi:
— Ko‘chada o‘ynayotib, loyga tushib ketdim. Hamma yog‘im rasvo. Etigimni yechib, yuvib qo‘ying...
Chet elda qattiq shamol tufayli yuz minglab odamlar elektr tokisiz qolsa jar solishadi.
Lekin ayrim hududlarda hech bir sababsiz, minglab odamlar elektr tokisiz qolsa hech kimni ishi yo‘q.
Uyqu Wi-Fi ga o‘xshaydi. Ko‘chada, ishda, o‘qishda bizni topadi. Lekin kechqurun o‘rnimizga yotganimiz zahoti, “Tochka dostup ne naydeno” bo‘lib qolaveradi.
Birinchi sinfda:
— Toshmatov, ikki karra ikki nechi bo‘ladi?
— To‘-o‘-o‘rt!
— Nega yig‘layapsan?
— Besh bo‘lishini xohlayman.
Beshinchi sinfda:
— Toshmatov, ikki karra ikki nechi bo‘ladi?
— To‘rt!
Kollejda:
— Toshmatov, haligacha bilmaysanmi!? Ikki karra ikki nechi bo‘ladi?
— O‘zingiz aytavering ustoz, qancha bo‘ladi...?
Kechadan beri telefonimga SMS keladi. Nima emish, “Zamonaviy va ozoda jamoat xojatxonalarini tashkil eting va soliq imtiyozlariga ega bo‘ling!” Zamonaviy qilib-ku qurib qo‘yishar, ammo ozodaligini qanday saqlashadi? Bechora tadbirkorlarimiz...
Bir qizaloqdan soʻrashibdi:
— Dadangni yoshi nechida?
— Toʻrtda, - debdi qizcha.
— Qanaqasiga? – deyishsa,
— Dadam men tugʻilgandan keyin, dada boʻlganlar, - debdi.
Nafaqaga chiqgan boy amaki ov qilgani yo‘l olibdi. Ov qilib yursa, oldidan bir qurbaqa chiqib, tilga kiribdi:
— Meni o‘zingiz bilan olib keting. Uyingizga olib borib, menga bo‘sa hadya etsangiz, men go‘zal qizga aylanaman...
Amaki o‘ylanib turib:
— Mayli uyga olib ketaman. Lekin bo‘sani hayolingdan chiqar! Go‘zal qizlar tiqilib yotibdi. Gapiradigan qurbaqa esa hech kimda yo‘q!