Doda latifalar

— O‘rtoq, 10 ming qarz berib tur!
— Mayli. Pulni nima qilasan?
— Oyimga sovg‘a olaman.
— Mana 10 ming. Keyingi oyda 20 ming qilib qaytarasan. Qiynalib qolmaysanmi?
— Yo‘q, mayli.
— Bu oyda 10 mingini to‘lasang, keyingi oyda 10 ming qoladi.
— Mana 10 ming, ol! Endi nima qilaman?! Oyimga sovg‘a olishga pulim yo‘q. Buni ustiga qarzim ham bor.

Telefon qo‘ng‘irog‘i jiringlaydi:
— Valiyevmisiz?
— Nima edi?
— Ha yoki yo‘q deng!
— Ha yoki yo‘q.

Fizika darsida o‘qituvchi:
— Ahmedov, ayt-chi! Yorug‘likni tezligi kattami yoki tovushnimi?
— Tovushni tezroq...
— Nega?
— Oylik maoshim oshadi deb adam aytganlariga ancha bo‘ldi, lekin haliyam yorug‘lik chiqmadi.

Xodimlar bo‘limidagi "navbatchi" gaplar:
1. Hujjatlaringiz o‘rganib chiqilyapti.
2. Suhbatga tayyorlanib turing. Chaqiramiz.
3. O‘zimiz siz bilan bog‘lanamiz.

Agar dunyodagi barcha davlatlarni ayollar boshqarganda edi,
janglar bo‘lmas edi. Shunchaki, davlatlar bir-biri bilan gaplashmas edilar.

30 yil ichida JEK faoliyatida katta o‘zgarishlar bo‘ldi.
Masalan, issiq suvni 1 haftaga o‘chirishlari to‘g‘risidagi e’lonni avvallari qo‘lda yozishar edi. Hozir kompyuterda yozib ilib qo‘yishmoqda.

— Do‘stim, muhimi sovg‘a emas e’tibor!
— Mayli. Unda seni tug‘ilgan kuningda faqat senga qarab yuraman.

Futbol ishqibozi o‘g‘lini erkalatib debdi:
— Meni yolg‘izim, shirin bolam, kelajagim meni! Sen meni hayot o‘yinimda urgan golimsan!
Shunda xotini eriga qarab debdi:
— Menchi dadasi?
— Sen ham urgan golimsan. Faqat avtogolsan-de, - dermish eri.

Odamlarni gapi qiziq!
Har bir so‘zga so‘z qo‘shib gapirishadi.
Masalan: Ovqat-povqat, non-pon, pishiriq-...

Toshkentda yangi qurilgan ko‘p qavatli uylarni biriga xaridor kirib ko‘rayotganmish.
— Devorlari qalin, mustahkammi? Qani devorni narigi tarafiga o‘tingchi!
— Men shundoq ham devorni orqa tarafida turibman.
— Devor qani?