Doda latifalar

Avtobusda bir juvon erkak bilan janjallashmoqda:
— Sen xotinboz, shilqimsan! Birorta ham sochi uzunni o‘tkazib yubormayapsan, - debdi ayol baqirib. Shunda bir qari kampir dermish:
— Kechirasan qizim, sen uni urishyapsanmi yoki reklama qilyapsanmi???

Soat do‘konida:
— Mana shu soatni xarid qiling! Bu Shveysariya soatlarining aynan nusxasi!
— Mayli bering! Mana sizga AQSh dollarining aynan nusxasi!

Qari kampirni eri ko‘chadan kelib:
— Yaxshi qiz, tanishsak bo‘ladimi? - desa, kampir:
— Qimizni ko‘paytirib yuboribsiz-ku chol! - dermish.

Bir kuni o‘zbek, ingliz va rus ketayotishsa, oldidan dev chiqib qolibdi. Rus va ingliz dag‘-dag‘ qaltirab qolishibdi.
O‘zbek esa:
— Iye, og‘ayni qalaysan?! Yur, choyxona bor bugun, ketdik, - desa, dev ham og‘zi ochilib, o‘zbekka qo‘shilib ketib qolgan ekan.

Bir ayol jon berayotgan ekan. Eridan so‘rabdi:
— Menga xiyonat qilganmisiz?
— Bu nima deganing?! Albatta yo‘q! - debdi eri. Shunda xotini:
— To‘g‘risini aytavering, xiyonat qilganmisiz? Baribir umrim tugayapti, - desa, eri:
— Mabodo o‘lmay qolsang-chi!? - dermish.

Adolat izlab juda ko‘p yuribdi. Lekin, boshqa yo‘ldan ketayotganini bilmas ekan.

Vokzalda turgan odam poyezdga kech qolib, ortidan yugurib ketayotsa, poyezddagi odamlar ustidan kulibdi. Shunda u:
— Men poyezdni quvib yuboryapman, - degan ekan.

O‘ta tarbiyali odamning qarzdor tanishiga yozgan SMSi:
" Juda qo‘pol gaplar bilan so‘kib aytyapman, olgan qarzingni qaytarib ber!"

Harbiy xizmatdagi askarga sevgan qizidan xat kelibdi.
Doʻstlari bilan ochib qarashsa, oppoq qogʻoz. Hech narsa yozilmagan.
— Nega bunday? - deyishsa,
Askar:
— Arazlashib qolgandik, - dermish.