Bir kuni afandi manti yegisi kelib, oshxonadan manti xarid qilib, endi yemoqchi bo‘lib tishlagan ekan, issiq manti lablarini kuydiribdi. Mantini olib devorga otibdi va so‘ka boshlabdi:
— La’nati, labimni kuydirding, - debdi. Manti tugilgan joyidan ochilib ketibdi. Afandi darg‘azab bo‘lib:
— Labimni kuydirib, yana kuladi bu! - desa, mantini yog‘i oqibdi. Afandi:
— So‘ksam yig‘laydi yana, - dermish.
— Nega uni qo‘yib yubording?
— U meni tashlab ketmaydi. Vafodorligini sinab ko‘rmoqchi edim.
— Tentak, kim qopag‘on itni bo‘yinbog‘isiz qo‘yib yuboradi?!
Bitta odam qo‘shnisini hovlisiga kirib, tovuqxonasidan tuxum o‘g‘irlabdi.
Tuxumni ushlab turib, hayol sura ketibdi:
"Shu tuxumdan jo‘ja ochirib, boqib katta tovuq qilaman. Tovuqni sotib, g‘oz olaman, g‘ozni ham boqib, sotib, qo‘y olaman. Qo‘yni semirtirib, sotib, buzoq olaman! Buzoqni katta buqa qilib, uni ham sotib, mashina olaman!", deb hayol surib tursa, qo‘shnisi kelib qolibdi.
O‘g‘rini ko‘rib:
— Tuxumni joyiga qo‘y! - deb baqirgan ekan, tuxum qo‘lidan tushib, sinib ketibdi. Shunda haligi o‘g‘ri odam:
— Mashinamni to‘lab berasan! - deb baqira ketgan ekan.
— Jonimga tegib ketdi. Xotinim nuqul kech qolding, kech qolding deb, janjal qilgani qilgan.
— Ertaroq bor!
— Ertalab soat oltida borib ko‘rdim! Baribir kech kelding, deydi.
Samolyot havoda daf’atan chalqanchasiga ag‘darilgan holda ucha boshladi. Styuardessa yo‘lovchilarni tinchlantiryapti:
— Hurmatli yo‘lovchilar, Qo‘rqmanglar!
Hozir uchuvchimiz burniga dori tomizib olsin, samolyotimiz asl holiga qaytadi!
Ko‘chada ketayotgan chiroyli qiz yoniga bir yigit kelib:
— Yaxshi qiz telefoningizni bera olasizmi? - debdi.
Qiz jilmayib:
— Bir ko‘rishdayoq sevib qoldingizmi?! - desa, yigit:
— Yo‘q, bir urunishdayoq telefonni o‘g‘irlamoqchiman! - dermish.
Eri xotiniga:
— Agar uyda ham o‘zingni kassirdek tutishni bas qilmasang, hoziroq kiyim-kechaklarimni yig‘ishtiraman-da, ketaman!
Xotini:
— Qadoqlab, paketga solib beraymi?