Doda latifalar

Telefonda tanishib qolgan yigit va qiz suhbatlashishmoqda:
— Yaxshi qiz, bo‘yingiz balandmi?
— Bo‘yim 145 santimetr.
— Voy, jajjigina malika ekansiz-da... Vazningiz-chi?
— Vaznim undan ham kamroq 130.

Millionlab insonlar telefon naushniklarini simi chigal bo‘laverishidan aziyat chekadi.
Shuning uchun Apple kompaniyasi Iphone7 uchun simsiz naushniklarni ishlab chiqardi. Endi ular chigal bo‘lmaydi — shunchaki yo‘qolib qoladi.

Er-xotin xiyobonda aylanib yurishgan ekan. Er har zamonda — Eshitaman, azizam, - deb ketarmush.
Xotinini jahli chiqib:
— Agar yana bir martta qarg‘ani "qag‘illashiga", — "Eshitaman, azizam" desangiz, mendan yaxshilik kutmang debdi.

Xotini xasis eridan so‘rayapti:
— Dadasi, bugun ovqatga tuxumni oqini solaymi, sarig‘inimi?
— Bugun bayram, mayli butun solaqol!, - dermish eri.

Uyga erta tongda qaytgan eriga xotini dedi:
— Uyga nega tong saharda qaytdingiz?!
Eri esa hech ikkilanmay:
— Bunday paytda boradigan boshqa joy bo‘lmasa nima qilishim kerak?! - dermish.

— Ular anchadan beri shunaqa bir-birlariga yaqinmi?
— Kim?
— Qoshlaring...

Afandi bir kuni qo‘shnisidan qozon so‘rab chiqibdi. Oradan bir hafta o‘tgach, qozonni ikkita qilib olib chiqibdi. Qo‘shnisi hayron bo‘lib:
— Nega ikkita qozon olib chiqdingiz?, - debdi.
Afandi esa javob beribdi:
— Qozoningiz homilador ekan, tug‘di.
— Qozon kerak bo‘lsa tez-tez so‘rab turing, - debdi qozonning egasi.
Oradan bir necha kun o‘tib, afandi o‘sha qo‘shnisidan katta doshqozon so‘rab chiqibdi. Qo‘shnisi darrov berdi. Oradan bir hafta o‘tibdi, o‘n kun o‘tibdi, bir oy o‘tibdi. Afandi esa hanuz qozonni qaytarmasmush. Qo‘shnisi o‘zi qozonni so‘rab chiqibdi. Afandi qo‘shnisiga homush qarab:
— Qozoning betob ekan. Qazo qildi, - debdi.
— Qanaqasiga qozon betob bo‘lsin?, - deb baqiribdi qo‘shni, - hech jahonda qozon ham o‘ladimi?
— Qozoning tuqqaniga ishonasanu, o‘lganiga ishonmaysanmi?, - dyebdi afandi.

— Eshitishimcha, uylangan emishsan.
— Ha, ko‘chadagi oshxonalarda ovqatlanib yurish yoqmayotgan edi.
— Endi-chi?
— Endi yoqyapti.

Xotin eriga savol beribdi:
— Dadasi, kobra ilonini ko‘rganmisiz?
Eri:
— Ha, axir o‘n besh yildan beri yonida yashayapman-ku.
— Chaqsa odam o‘larmish-a?
— Unda meni qonimda kobrani zahariga qarshi immunitet paydo bo‘pti-da?!

Polkovnik generalga erishilgan muvaffaqiyatlar haqida hisobot bermoqda:
— ... harbiy qismda ayniqsa, tartib-intizom sohasida ulkan yutuqlarga erishdik, - deb tursa,
Shu payt qiya ochiq eshikdan askar mo‘ralab:
— Ey qariya, mashinangni minib ketyapman, xo‘pmi?
Polkovnik hayratda qolgan generalga o‘girilib:
— Mana ko‘rdingizmi, yarim yil oldin ular hatto so‘rab ham o‘tirishmasdi, - dermish.