Doda latifalar

Boshliq xonasiga kirgan ishchiga rahbar debdi:
— Sizni arizangizni ko‘rib chiqdim. Maoshingizni oshirib bera olmayman!
Xodim asabiylashib:
— Oshirmasangiz-oshirmang! Faqat o‘z vaqtida oylik berishni o‘rganing!

Bir o‘zbekdan so‘rashibdi:
— Nimaga sizlar savolga savol bilan javob qaytarasizlar?
O‘zbek javob qaytaribdi:
— O‘zingiz nima deb o‘ylaysiz?

Jarrohlik operatsiyasidan keyin hushiga kelgan bemorga vrach dedi:
— Operatsiyadan oldin o‘zingizni juda yomon tutdingiz. Baqirib, tipirchilab, hamma yoqni ostin-ustun qildingiz. Yoningizdagi sherigingiz sizdan ham battarroq to‘palon qildi...!
Bemor vrachga:
— Albatta-da! Axir biz derazalarni yuvish firmasidan kelgan edik-da...

Ona o‘g‘lidan so‘radi:
— O‘g‘lim qarachi dadang kelyaptimi?
— Ha, kelyaptilar.
— Dadang yo‘lni qaysi chetida kelyaptilar?
— Ikkala chetida ham onajon!
— ... yana ichibdi...!

— Adasi, kecha soat beshdan keyin ovqat yeb, parhezimni buzdim. Iltimos, menga tanbeh bersangiz, boshqa bunday ish qilmay!
— Menga desa, uyatdan yerga kirib ketmaysanmi xotin?!

Bir odam folbindan qarz ekan. Haligi odamni uyiga folbin qarzini so‘rab borsa:
— Nima qilardingiz ovora bo‘lib?! Menda pul yo‘qligi folingizda ayon bo‘lmadimi? - dermish.

— Do‘stim, sigirlar o‘tlaydigan o‘tloqni bilasanmi?
— Ha, yam-yashil, keng dala!
— Qo‘ylar yashaydigan qo‘rani-chi, bilasanmi?
— Ha, atrofi taxta bilan o‘ralgan...
— Italiyani xaritadagi ko‘rinishi qandayligini bilasanmi?
— Yo‘q. Nimaga mendan bularni so‘rayapsan?
— Shunchaki, geografiyadan ko‘ra, sigir, qo‘ylarni yaxshiroq tushunishingni isbotlab bermoqchi edim.

Qari kampir qutqaruv xizmatiga qo‘ng‘iroq qilyapti:
— Allo, hovlimdagi daraxtda katta ayiq o‘tiribdi. Yordam bering!
Qutqaruv xizmatidan bir erkak kuchukcha yetaklab kelibdi.
— Xolajon, manavi miltiqni ushlang. Men daraxtga chiqib, silkitaman, ayiq yiqilsa, unga qarata o‘q uzasiz, - debdi qutqaruvchi.
Kampir:
— Kuchukchani nimaga olib keldingiz unda?
Erkak:
— Agar ayiqni o‘rniga o‘zim yiqilsam, kuchukchaga qaratib oting!!!

Bir kisavur yigit yo‘lda ketayotsa, mototsikl katta tezlikda kelib, urib yuboribdi.
Mototsekilchi qo‘rqib, qochib ketibdi. Yaqin-o‘rtada turgan GAI xodimi yetib kelib, haligi boladan:
— Mototsikl raqamini ko‘rdingmi? - desa, kisavur:
— Ko‘rmadim-u, lekin hujjatlari menda, - dermish.

Mohirbek bilan Mansurbek uyini ta’mirlashayotgan ekan, qo‘shnisi kirib kelibdi. Mohirbek sekingina Mansurbekni qulog‘iga:
— Qarab tur, yana biror asbobni so‘rab chiqqan, - debdi pichirlab.
— Sen yo‘q degin, - dyebdi Mansurbek.
Qo‘shnisi ularga qarab:
— Hormanglar! Bugun sizlarga arrangiz kerak bo‘ladimi?, - desa, Mohirbek:
— Ha, kechgacha faqat arrani ishlatamiz, - debdi qat’iy ohangda.
Qo‘shnisi xursand bo‘lib:
— Juda yaxshi-da! Unday bo‘lsa, bolg‘angizni olib turar ekanman-da bugun, - dermish.