Doda latifalar

— Allo, bu hayvonot bog‘imi?
— Ha, nima gap?
— Xonadonimda ilon o‘rmalab yuribdi!
— "Hayvonlarni himoya qilish jamiyati"danmisiz?
— Yo‘q!?
— Ekologik harakat a’zosimisiz?
— Aslo!?
— Unda nimaga belkurak bilan ilonga tushirib qolmadingiz???

Xotin eriga:
— Meni hech qayerga olib bormagansiz...!
Er:
— Mayli, ertaga axlat tashlashga birga olib ketaman.

Diskotekada bir yigit chiroyli qizni yoniga kelib:
— Raqsga tushasizmi? - debdi.
Qiz:
— Yo‘q! - desa, yigit:
— Unaqada yuring, mashinamni itarishib yuboring, - degan ekan.

Qahvaxonalardan biriga olapar mushuk kirib, ofitsiantga buyurtma beribdi.
Mushukni gapirayotganini ko‘rib, aqldan ozay degan ofitsiant mushukka qarab:
— Ko‘chada nima ish bilan yuribsiz, - debdi.
Mushuk:
— Ish qidirib yuribman. Hozir suhbatdan kelyapman, - debdi.
Ofitsiant ko‘p o‘ylamay:
— Meni sirkda tanishlarim bor? Xohlasangiz, gaplashib beraman, - desa, mushuk:
— Sirkda kompyuter dasturchisiga ish bormikin? - dermish.

Er-xotin bog‘chadan bolalarni olib kelish ustida bahslashmoqda.
Er:
— Sen bor bog‘chaga!
Xotin:
— Siz borib kelaqoling!
Er:
— Senga yangi palto, yangi etik olib berdimmi?
Xotin:
—Ha!
Er:
— Ana o‘shalarni kiyginda borib kelaver!
Xotin:
— Nimaga siz bormaysiz?!
Er:
— Men nima paypoq bilan soqol olish uchun ko‘pikda boraman-mi???

— Azizim, yangi turmagim haqida nima deysan?
— Hechqisi yo‘q, o‘sib ketadi...!

Hozirgi kunda barcha xonadonlarda ertalabki nonushtani faqat telefon va noutbuklar yeyishadi. Faqat ular dasturxon atrofida emas, elektr toki atrofida qornilarini to‘ydirib olishadi.

Ota-bola hayvonot bog‘iga kelishibdi. Bir payt bolakay baqira boshlabdi:
— Ada-ada qarang, shimpanze!
— Yur, shimpanzeni nariroqda ko‘rsataman. Bu kassir, o‘g‘lim!

Rossiyalik olimlar Sibirdagi chanalarga itlarni bog‘lab harakatlanuvchi odamlarni sinab ko‘rish maqsadida, ularga Kamaz berishibdi.
Oradan bir yil o‘tgach, olimlar natijani bilish uchun Sibirga qaytishibdi. Olimlar:
— Ho‘sh, sizlarga bergan mashinamiz yoqdimi? – deb so‘rashsa,
haligi odamlar:
— Ha. Faqat itlarimiz tortishga qiynalishyapti-da... – deyishibdi.

Yomg‘irli kunlarning birida, bir ayol do‘kondan uyiga qaytayotgan ekan. Ortidan bir erkak izma-iz kela boshlabdi. Juda-yam yaqin kela boshlaganini ko‘rgan ayolning o‘takasi yorilay debdi.
Qo‘rquvdan qaltirashga tushgan ayol boyagi erkakka o‘girilib qarasa, erkak:
— Qo‘rqmang! Men shunchaki, yangi etigim loy bo‘lmasin deb, izingizni bosib kelyapman xolos...! – debdi.