Doda latifalar

Armanistonga yahudiy oilasi ko‘chib kelibdi.
— Xotin, qo‘shnilardan 2 dona tuxum olib tur, - debdi yahudiy.
Yahudiy xotin qo‘shniga chiqib 2 ta tuxum so‘rasa, qo‘shnisi tuxumlarni tarozida tortib berayotganmish.
— Nega tuxumlarni tarozida o‘lchayapsiz? - desa, qo‘shnisi:
— Qaytarib berayotganingizda ham o‘lcham olaman-da, - debdi.
Yahudiy xotin uyiga chiqib eriga:
— Ketdik bu yerdan! Tuxumlarni tarozida o‘lchab beradigan joyda bizga non yo‘q, - debdi.

Bir qiz dugonasidan so‘rayotganmish:
— Dugonajon, shamollab qolganingda nima qilasan?
Dugonasi javob beribdi:
— Shamollaganimda aksiraman, yo‘talaman ham...!

Ro‘molini niqob qilib o‘ragan ayoldan tibbiy niqob taqib olishni so‘rashdi. Suhbatning davomi:
— U niqob bilan bu niqobning farqi yo‘q-ku?!
— Siz ro‘molingizni har 2 soatda almashtirib yangilamaysiz-da!
— Men siz aytgan niqobni ham har 2 soatda hech kim yangilamayman...

Qani edi...:
Taksichi gapirmay ketsa.
Sartorashing har safar "Qanaqa qilib kesamiz?" deb so‘ramasa.

Bir timsohni uzunligi boshidan dumigacha 10 metr, dumidan boshigacha esa 7 metr chiqarmish.
Hafta kunlari ham shunday. Dushanbadan jumagacha 5 kun, jumadan dushanbagacha 3 kun.

— Oʻrtoq, eshitdingmi? “Alibobo va qirq qaroqchi” ertagini zamonaviy talqini chiqibdi.
— Yoʻgʻ-ye! Qanaqa ekan?
— Qaroqchilar boylardan olib qoʻygan tilla va mol-mulklarni oldida selfiga tushib, instagramlariga joylashayotgan emish.

Baklashkaga benzin quyayotgan erini ko‘rgan xotini undan so‘rabdi:
— Nima qilasiz buni?
— Mashinaga quyaman. Nima edi?
— Ha, mayli. Faqat hech kimga sepib yurmang-a... Juda tez yonadi!

— Eshitdingmi? Xumo degan yangi to‘lov tizimi chiqar emish.
— Yo‘q, eshitmadim. Yaxshi ishlasa bo‘ldi-da...
— Oldindan biror nima deyish qiyin. Avvallari Xumo lotereyasi bo‘lar edi. Ishqilib, bu Xumoni ishlash-ishlamasligi lotereya bo‘lmasa bo‘lgani...

Barcha ayollar erkaklarni quloqlari bilan sevishadi, o‘qlov bilan esa yomon ko‘rishadi.

“O‘pkasi yo‘q” taksichi yo‘lovchini olibdi-yu, mashinani 120km/s tezlikda hayday boshlabdi.
Qo‘rqib ketgan yo‘lovchi:
— Iltimos, sekinroq haydang, - deb qo‘rqa boshlabdi.
Haydovchi bo‘lsa:
— Qo‘rqmang, meni farishtam bor. U meni asraydi, - debdi.
Yana ozgina yurgach:
— To‘xtating, bo‘ldi, shu yerda tushib qolaman, - debdi yo‘lovchi.
Taksichi mashinasida bir o‘zi tezlikni yana oshirib, ketayotsa, orqa o‘rindiqdan kimdir:
— To‘xtating, men ham tushib qolaman, - debdi.
— Kimsan o‘zi? - so‘rabdi haydovchi.
— Seni farishtangman, - dermish boyagi ovoz.