Doda latifalar

Yosh qizcha homilador bo‘lib qolibdi. Onasi:
— Qizim, o‘sha nobakor kim bizga ayt. Telefon nomerini ber, gaplashaman, debdi
Otasi esa:
— O‘sha itvachchani tutib olsam o‘ldiraman, deb tursa, uy oldiga "Ferrari" mashinasidan zo‘r kiyinib olgan o‘rta yoshlardagi bir boyvachcha yigit tushib kelibdi. Uyga kirib qizning otasiga:
— Amaki, uzr, qizingizga uylana olmayman, meni oyilam bor, lekin hamma xarajatlarni ko‘taraman. Agar o‘g‘il tug‘sa, 2ta zavod yana 5milion dollar beraman! Agar qiz tug‘sa, 1ta zavod, 2milion dollar beraman! Agar bolasi tushib qolsa...
Otasi:
— Agar bolasi tushib qolsa, qizimiz xizmatingizga muntazir.

Musiqa chalib uning yoqimli ovozini eshitganingizda boshqa narsalarni tamoman unutasiz. Klavishalar sizni cehrlab, xuddi o‘ziga tortib olayotganday tuyuladi.
Shu paytda: "Nonga pul bering, non olib chiqish kerak", - degan ovoz umuman notaga tushmaydi-da.

— DAN xodimi bilan Xitoylikni nima birlashtiradi?
— Ikkisini ham tayyoqcha boqadi.

Erkak kishini bir qulog‘idan kirgan gap, ikkinchisidan chiqib ketadi, ayol kishini ikki qulog‘idan kirgan gap og‘zidan chiqib ketarkan.

Afandi bozordan ho‘kiz olib kelayotgan edi, yo‘l-yo‘lakay «Afandi, ho‘kizni sotib oldingizmi, qancha bo‘ldi?»—degan savollar yog‘ilib ketdi. Afandi jonidan bezor bo‘lib, arqonning bir uchini o‘z bo‘yniga bog‘lab oldi, yana bir odam:
— Afandi, ho‘kizni oldingizmi?— deb so‘ragan edi, u:
— Yo‘q, birodar, ho‘kiz meni oldi, narhimni undan so‘rang,— dedi.

Afandidan odamlar so‘radilar:
— Siz kattami, akangiz kattami?
— Bultur akam mendan bir yosh katta edi, bu yil yoshimiz baravar bo‘lsa kerak, — dedi Afandi.

Bir odam baliq oviga boribdi. Qarasa xo‘rak olishni unutibdi nima qilishni rosa o‘ylabdi va oxiri qog‘ozga chuvalchang deb yozib qarmoqqa ilib suvga tashlabdi birozdan so‘ng qarmoq qimirlabdi, uni tortib qarasa boshqa qog‘ozga baliq deb yozilgan.

2ta GAI xodimi radar bilan yo‘l chekkasida turibdi.
Bir mashina katta tezlikda uchirib kelayotgan ekan.
— Tezligi necha ekan? - deca
Sherigi:
— 50 000 so‘m.

Xalqning oldiga bir jarchi kelib:
— Hozir nima demoqchiligimni bilasizlarmi?
— Yo‘q bilmaymiz.
Jarchi:
— Bilmaydigan odamlarga gapirishning foydasi yo‘q, - deb ketib qolibdi.
Ertasiga kelib:
— Men nima deyishimni bilasizlarmi —debdi.
Xalq:
—Yo‘q.
Jarchi:
— Bilmaydigan odamlarga gapirishning foydasi yo‘q.
Ertasiga xalq kelishib olibdi. "Yarmimiz bilamiz, yarmimiz bilmaymiz deymiz".
Jarchi yana eski gapini takrorlabdi. Xalq kelishganidek javob beribdi.
Jarchi:
— Unday bo‘lsa, biladiganlaringiz bilmaydiganlarga aytib qo‘ya qolsin, - deb ketvorgan ekan.

Bir kuni bo‘g‘irsoq yo‘lda ketayotsa, yo‘lidan bo‘ri chiqibdi.
— To‘xta man sani yeyman, debdi.
Shunda bo‘g‘irsoq:
— Bo‘rivoy mani yema, man tipratikanman harbiy xizmatga ketvotudim, shunga sochimni oldirib kevoman, degan ekan.