Latifa.uz saytida eng ko'p ovoz olgan latifalar ro'yxati.
Bir dangasadan so‘rashibdi:
— Kun bo‘yi hech narsa qilmasdan yotaverib, zerikib, charchab ketmaysanmi?
— Qanaqasiga hech narsa qilmasdan, men har zamonda u yoqdan bu yoqqa ag‘anayman - debdi.
Operatsiyadan chiqqan bemor o‘ziga kelib, o‘ziga o‘zi debdi:
— Xudoga shukur eson-omon qutuldim.
Shunda yonida yotgan kasal:
— Hali quvonishga erta, meni operatsiya qilishganda qaychini unutib qoldirishgan — debdi.
Ikkinchi bemor:
— Menda vrachni qo‘lqopi qolib ketgandi — deb tursa
Koridordan vrachni ovozi eshitilibdi:
— Hamshirani hech kim ko‘rmadimi?
Jinnixonadagi vrachlar jinnilar endigacha davolangandir, deb o‘ylab hamma jinnilarni yig‘ibdi.
Bitta jinni gazetani ustiga o‘tiribdi. Vrachlar kelib jinnidan:
— Nimaga bunday o‘tiribsan, - desa.
Jinni:
— Boshqalardan baland o‘tiray deb, - deganmish
Yigit bilan bir qiz niyat bulog‘iga boribdi. Birinchi yigit niyat qilib suvga tanga tashlabdi. Keyin qiz niyat qilib tanga tashlamoqchi bo‘lgan ekan, suvga tushib ketibdi. Shunda yigit:
— Yo, qudratingdan, niyat qilsang amalga osharmisha - dermish.
Peshtokida «Ko‘ngil siringizni gul vositasida izhor eting!» shiori osilgan gullar do‘koniga bir yigit kiribdi.
— Menga bir dona atirgul bering, - debdi u sotuvchiga.
— Atigi bittami?
— Ha... Men juda kamgapman!
Kechasi Afandining uyiga qopda buyum ko‘targan ikki o‘g‘ri kirdi. Buni payqagan xotin Afandini asta turtib:
— Afandi, turing, uyga o‘g‘ri kirdi,— dedi. Afandi asta shivirladi:
— Jim yot, men uyg‘oqman, ovozimizni eshitib, o‘g‘rilar qopini ko‘tarib qochib qolmasin. Men qopdagi buyumni mo‘ljallab turibman.
Sudya jabrlanuvchidan so‘rabdi: — Sizni tilla zanjiringizni o‘g‘irlab qochgan shaxsni taniy olasizmi? Jabrlanuvchi: — O‘g‘rining advokati himoya nutqidan keyin, meni o‘zi tilla zanjirim bor-yo‘qligiga ham shubhalanib qoldim, o‘rtoq sudya...!