Дода латифалар

Қари аёл Америкага борибди. Бир куни автобусга чиқса, ёш йигит жой берибди. Қари аёл ёшлигида немис тилини ўрганган экан. Thank you дейиш ўрнига, Danke деб юборибди.
Донкей немисчада раҳмат дегани. Инглизчада эса эшак дегани.

Мини юбкадаги қизлар шунчалар мағрурки, 50 минг сўмлик пули ерга тушиб кетса ҳам олишмайди...!

Хотин эридан сўрабди:
— Адаси, бассейн қуриш учун ҳайрия сўрашяпти. Нима берай?
— Бир челак сув бериб юбор!

Бир куни тиш пастаси билан совун ҳасратлашиб қолишибди:
— Мени одамлар оғзиларига солиб, тишларига ишқалашади... – дебди тиш пастаси.
— Шукур қил, ношукур! – дермиш совун.

Россияда кўприк қуриш учун Германия, Хитой ва Ўзбекистонлик қурувчиларни чақиришибди.
Биринчи бўлиб Германиялик қурувчилардан сўрашибди:
— Фалон километрлик кўприкни қанчадан қуриб битказасизлар?
Немислар жавоб берибди:
—Замонавий техника ва малакали ишчиларимиз билан сифатли кўприкни бир йилда қуриб берамиз, - дейишибди.
Кейин Хитойликларга шу саволни беришибди. Улар бундай кўприкни олти ойда битиришларини айтишибди.
Охири Ўзбекистонлик қурувчиларга шу саволни беришса, улар шундай жавоб беришибди:
— Энг яқин байраминглар қачон? Ўша байрамга битириб топширварамиз!

Профессор талабага:
— Нега бунча қалтирайсиз? Мен бермоқчи бўлаётган саволлардан қўрқяпсизми?
— Йўқ, уларга бермоқчи бўлаётган жавобларимдан қўрқяпман.

Бир куни эри уйига ичиб келибди. Хотинини ёнида ётиб:
— Хотин, бор сув олиб кел, - деяверибди. Хотини эрига:
— Хозир тинч ухламасангиз оқлов билан ураман, - дебди.
Эри:
— Оқловга борганда сув ҳам олиб кел! - деган экан.

Бир одам кўзгу дўконига кетаётса, дўсти чиқиб қолибди:
— Қаёққа кетяпсан?
— Янги кўзгу сотиб олишга.
— Нега, эскиси синиб қолдими?
— Йўқ, унисига қарасам, нуқул белимгача кўрсатяпти.

Хотин эрига:
— Адаси, қачон гилам олиб берасиз? - деса, эри:
— Ҳаддингдан ошма, супургингда учиб юравер! - деган экан.

Тўйда бир аёл ёнидаги аёлга қараб:
— Ўйнанг Собиржон, - деса, бояги аёл:
— Мени исмим Собиржон эмас Фарида, - дебди.
У аёл дермиш:
— Сизни исмингиз Фаридами, йўқми билмадиму, мени эримни телефонида Собиржон деб ёзилган.