Дода латифалар

Автомобилга ёнилғи қуйиш шохобчасида:
— Сизни огоҳлантириб қўяй, бугундан бензиннинг нархи ошди.
— Яхши, менга кечаги бензиндан эллик литр қуйинг.

Сув остида узоқ туриш бўйича мусобақа ўтказилибди. Битта ёш йигит, битта киши ва афанди қатнашибди.
Йигит сувни тагида ўн минут, бояги киши эса йигирма минут нафас олмай туришибди.
Навбат афандига келибди. Афанди сув остида ярим соат қолиб кетибди. Чиқганида ҳамма ундан сўрай бошлабди:
— Қандай қилиб бунча вақт сув тагида тура олдингиз?, - дейишса, афанди:
— Лаънати шимим илиниб қолмаганида аллақачон чиқардим, - дермиш.

— Нега бу ишни қилдингиз?, - сўрабди врач бемордан.
— Мени хотиним ташлаб кетди, - дебди бемор.
— Хотинингиз ташлаб кетса, бешинчи қаватдан ўзингизни ташлаб юбориш шартми?!
— Тушунмадингиз доктор! Хотиним мени ташлаб юборди ...

Пахта терими бошланиб, ҳамма ишчилар далага чиқишибди. Бир йигит ҳаммадан кўп пахта териб, рекорд ўрнатибди. Раҳбарлар хурсанд, дўстлари табриклашибди, ҳамма жойда шов-шув кўтарилибди. Бир пайт учта пахтакор уни имлаб, бир четга чақиришибди-да:
— Янгиликни эшитдингми?, - дейишибди.
— Йўқ, - дебди йигит.
— Манавини ичиб ол, кейин айтамиз, - деб бир пиёла ароқ узатишибди.
Йигит ичиб:
— Нима гап? Айтинглар, - деса, бояги пахтакорлар яна бир пиёла ароқ узатиб:
— Буниям ич, хабарни эшитишинг осонроқ бўлади, - дейишибди.
Шундай қилиб унга яна уч пиёла ароқ ичиришибди-да, ғирт маст бўлиб бир четда ётган йигитга қараб:
— Энди гапни эшит! Ҳозир бу ерга телевидениядан келишади. Энг намунали пахтакор деб сени суратга олишмоқчи экан, - дейишармиш.

Бир куни ГАИ ходими ҳайдовчига:
— Қани, "Куф" денг-чи, - дебди.
Ҳайдовчи дарҳол текширувчини чўнтагига юз мингни солиб қўйибди.
Пулни олиб, яна "Куф" дейишини талаб қилибди. Шунда ҳайдовчи яна эллик минг берибди. ГАИ ходими эса:
— Йўқ! Биринчи галдагидек "куфланг", - дермиш.

Етти ёшга тўлган болани биринчи синфга ўқишга олиб кетаётишса, у дод солиб бақирарди:
— Нимага?, қайси айбим учун тўққиз йил???

Дўконга чиқиб келишини сўраган хотин эрининг қўлига харид рўйхатини тутқазибди:
1. Нон
2. Тухум
3. Қуруқ чой
4. Совун
5. Пиво
Эр дўкондан қайтгач, хотин харид қилинган нарсаларни халтадан ола бошлабди: Битта нон, иккита тухум, уч қути қуруқ чой, тўртта совун ва беш шиша пиво.
Жаҳли чиққан хотин эрига ҳеч қандай эътироз билдиролмабди-ю, лекин кейинги сафар пивони рўйхатнинг бошига ёзишни ёдидан чиқармабди.

Тарих дарсида ўқитувчи бир ўқувчига савол берди:
— Франция - Пруссия уруши ҳақида нима биласан?
Ўқувчи ўрнидан турди, лекин ундан садо чиқмади.
— Нега гапирмаяпсан?
— Дадам уруш-жанжалга аралашма деганлар.

Боғда бир йигит ёнида ўтирган нотаниш қизни ўпиб олибди. Ҳеч қандай қаршилик бўлмагач, у қизни яна ўпибди-да, ҳайрон бўлиб сўрабди:
— Нега индамай ўтирибсиз?
— Ойим ҳеч қачон бегона эркаклар билан гаплашмагин деб тайинлаганлар.

Эр билан хотин кечаси ухлаб ётишса эшик тақиллаб қолибди.
Хотин:
— Вой шўрим эрим келди, - деса.
Эри:
— Қани, қани - деб деразадан қочиб кетганмиш.