Дода латифалар

Ҳозир узоқ қишлоқлар яшайдиган аёлларда ҳам кир машина бор. Лекин кирни қўлда ювишади.
Нимага дейсизми? Чунки электр йўқ!

Бир аёл эрига:
—Адаси, кеча тушимга кирибсиз. Тушимда менга чиройли кўйлаклар олиб берган эмишсиз, - дебди.
Эри бўлса кулиб:
— Яхши бўлсанг, бугун тушингда тақинчоқлар олиб бераман, - дермиш.

Телефон билан юради. Телефон билан ухлайди. Ҳамма жойга телефон билан киради. Яна қўнғироқ қилишса, “Эшитмай қолибман” дейишади.

— Қизингни турмушга берибсан, куёвинг қалай экан?
— Жуда яхши чиқди куёвим, кўз тегмасин. Қизимга тилла тақинчоқлар, кўйлаклар олиб беряпти!
— Ўғлингни ҳам уйлантирибсан деб эшитдим, келининг-чи, у ҳам яхшими?
— Қуриб кетсин! Келин эмас, балони ўзгинаси! Бир қарасанг тилла олиб беринг деб харҳаша қилади, бир қарасанг кийим сўрайди...!

Тўй куни келин куёвболага дебди:
— Бизни учта фарзандимиз бўлади!
— Нега бунчалик аниқ гапиряпсиз? - сўрабди куёв.
— Аниқ биламан. Чунки улар ҳозир онамникида яшаб турибди. Тўйдан кейин олиб келаман.

— Ўғлим, совуткичда 2 та шоколад турган эди. Ҳозир қарасам, 1 та қолибди. Буни тушунтириб бера оласанми?
— Тушунтириб бераман албатта. Қоронғуда иккинчисини кўрмай қолибман ойижон.

Имтиҳонга кирган талаба битта билетни олиб, жойига қўйиб-қўйибди. Иккинчисини олиб яна жойига қўйибди. Учинчисини, тўртинчисини, ... ва ҳакозо олиб-қўяверса, ўқитувчи уни тўхтатиб рейтинг дафтарчасига "4" баҳо қўйиб берибди.
Бошқа талабалар ҳайрон... "Нима учун??? Ахир у ҳеч нимага жавоб бермади-ку?!" дейишибди.
Шунда ўқитувчи "Айнан битта билетни қидиряптими, демак нимагадир қаттиқ тайинланиб келган-да!" деган экан.

Фирибгарлар пластик картамдаги пулларимни ўғирлаб олмасликлари учун ойлик маошимни бир кунда ишлатиб ташлаяпман. Ажаб бўпти ўғрилар!

Агар сиз ёлғон гапирмасангиз-у, қизариб кетсангиз, демак гипертониксиз.
Агар ёлғон гапирсангиз ҳам қизармасангиз, демак депутатсиз.

Коронавирусни аниқлаб берувчи бепул анализ.
Пешобни идишга оласиз ва уни очиқ дераза ёнига қўйиб қўясиз.
Агар пешобга чумолилар етиб келса - қанд миқдори ошган.
Агар пашшалар учиб келса - шамоллаш бошланган.
Агар арилар учиб келса - холестерин ошган.
Агар унга ҳеч нима яқинлашмаса - демак коронавирус!