Дода латифалар

Эрини уйдан ҳайдаб юборган хотини орқасидан бақираётганмиш:
— Бир умр қийналиб ўтгин! Косанг оқармасин!
Шу пайт эри хотинига қараб:
— Демак, яна сен билан яшарканман-да! Уйга қайтиб кираверайми?

1. Ҳар бир инсон умрида бир мартта куяди. Ё қуёшдан ё севгидан.
2. Ўзига бино қўйган одамлар шуни билсин-ки, биз ҳам уларга қўйганмиз.
3. Мени мутлақо яхши билмайдиган инсонларни мен ҳақимдаги фикри мени ҳам мутлақо қизиқтирмайди!
4. Ҳадеб ортимдан гапираверманг! Шундоқ ҳам ўзим ҳақимда фикрим жуда баланд!
5. Ҳар ким индамас бўлиш ҳуқуқига эга.
6. Ухланг! Сизни буюк ишлар кутмоқда.
7. Атрофингдаги душманларингни хурсанд қилиш учун ҳар-ҳар замонда ўзингни сиқилган қилиб кўрсат!
8. Соғлом одам бу - яхши текширилмаган одам!

Психотерапевт беморига:
— Бир-икки кунда сизга жавоб берамиз. Сиз тўлиқ соғайдингиз. Асосийси, инсонларга "Йўқ" деган жавобни беришни ўргандингиз.
— Раҳмат доктор.
— Касалхона учун пулни пластикда тўлайсизми?
— Йўқ!
— Нақд тўлайсизми?
— Йўқ!
— Тушунмадим. Ўзи пулни тўлаш ниятингиз борми?
— Йўқ!

Месси:
— Сиз тўпни қаерга тепасизлар?
Ўзбек футболчилари:
— Сен кўзингни юмиб қаерга тепсанг, биз ҳам ўша ерга тепамиз.

60-йилларда америкаликлар космосда ёзадиган ручка яратиш учун 1 миллион долларга яқин маблағ сарфлашган. Совет космонавтлари эса космосда шунчаки қаламдан фойдаланганлар.

— Уялмайсанми?! Соппа-соғ бўлсанг! Садақа сўраб ўтиришингни қара! Ишласанг бўлмайдими?
— Мен ишдан кейин сўраяпман!

Бир куни афанди милицияга қўнғироқ қилиб:
— 715 рақамли оқ рангли Нексияни топиб беринглар, - дебди.
Милиция:
— Машинангизни ўғрилар кетишдими? - деса, афанди:
— Йўқ. Шу машинани орқасига эшагимни боғлаб қўйган эдим. Машинани ҳайдаб кетиб қолишибди, - дермиш.

Тўй авжиган чиққан. Ҳамма хурсанд. Ўйин-кулги қизиган вақт тўйхонада ўйнаб юрган болакайлар бир-бирига:
— Куёв билан бир ҳазиллашамизми? Кетдик! – деб келин-куёвни олдига боришибди-да куёвга:
— Ада, бизлар билан ҳам расмга тушинг, - дебди.

Афанди тушликка тухум егиси келиб товуқхонага тухум олишга кирса, товуғи тилга кириб "Ҳозир обед. Кейин келинг!" дермиш.