Дода латифалар

Боғда бир йигит ёнида ўтирган нотаниш қизни ўпиб олибди. Ҳеч қандай қаршилик бўлмагач, у қизни яна ўпибди-да, ҳайрон бўлиб сўрабди:
— Нега индамай ўтирибсиз?
— Ойим ҳеч қачон бегона эркаклар билан гаплашмагин деб тайинлаганлар.

Эр билан хотин кечаси ухлаб ётишса эшик тақиллаб қолибди.
Хотин:
— Вой шўрим эрим келди, - деса.
Эри:
— Қани, қани - деб деразадан қочиб кетганмиш.

2 ёшли қизалоқни онаси эшитишни текшириш учун қулоқ докторига олиб борибди.
Доктор шивирлаб:
— Шоколад... - деса.
Қизалоқ ҳам шивирлаб:
— Қани, - дермиш.

Rafaello — ўз-ўзига эмас, албатта, кимгадир совға қилиш учун сотиб олинадиган шоколаддир.

Фалсафа фанидан имтихон бўляпти...
Талаба: Домла келинг яхшиси мен сизга бир савол бераман, топсангиз зачёткамга баҳоимни қўймайсиз, тополмасангиз 5 баҳо қўйиб берасиз.
Ўқитувчи: Ҳўп, эшитайликчи...
Талаба: Нима қонуний-ю, мантиқий эмас, нима мантиқий-ю, қонуний эмас, нима қонуний ҳам эмас, мантиқий ҳам эмас?
Ўқитувчи саволга жавоб беролмай баҳосини қўйиб берди.
Ўқитувчи: Қани энди жавобни ўзингиздан эшитайликчи...
Талаба: Сиз хотинингиз билан ЗАГСдан ўтгансиз — бу қонуний, лекин сиз 70 ёшдасиз, хотинингиз 20 ёшда — бу мантиққа тўғри келмайди. Сизнинг хотинингизни жазмани бор — бу мантиқий, лекин қонунга хилоф иш қиляпти — бу қонуний эмас. Сиз ҳозиргина ўша хотинингиз жазманига баҳо қўйиб бердингиз — бу қонуний ҳам эмас, мантиқий ҳам эмас.

— Бокс - энг зўр спорт турларидан бири!
— Ўзингиз боксерсиз чоғи?
— Йўқ, мен тиш докториман.

Раҳбарларимизга "ойлик маошларни ошириб беринг!" деган эдик. Улар "адашиб" ўзларини ойликларини ошириб юборишибди.

— Ботир ака, ҳеч уйингизга бирор мартта ўғри тушиб, ҳамма нарсангизни ўғирлаб кетганми?
— Укам, бўлди қилсанг-чи! Пулим бўлиши билан сендан олган қарзларимни қайтараман!

Бир кун ишдан қола кўрманг!
Акс ҳолда ҳамкасбларингиз сиз бўлмасангиз ҳам иш кетаверишини пайқаб қолишади.

— Товламачи, фирибгар одамни ажрата оласанми?
— Билмайман, қандай қилиб?
— 100 минг берсанг айтаман.
— 100 минг?! Бермайман!
— Ажрата олар экансан-ку!