Дода латифалар

Хотин эрига:
— Адаси, қачон гилам олиб берасиз? - деса, эри:
— Ҳаддингдан ошма, супургингда учиб юравер! - деган экан.

Тўйда бир аёл ёнидаги аёлга қараб:
— Ўйнанг Собиржон, - деса, бояги аёл:
— Мени исмим Собиржон эмас Фарида, - дебди.
У аёл дермиш:
— Сизни исмингиз Фаридами, йўқми билмадиму, мени эримни телефонида Собиржон деб ёзилган.

Тезюрар поезд. Йўл кузатувчиси ҳар бир купега кириб илтифот билан мурожат қиляпти:
— Чет элликлар борми ?
Барча купеларда "Йўқ" деб жавоб беришибди.
Кузатувчи йўлакка чиқиб бақирди:
— Тешавой! Кондиционерни ўчиравер! Ҳаммаси ўзимизникилар экан!

Илму толиб пиру комилдан сўради:
— Устоз, ўзбекчага русчани аралаштириб гапирса, гуноҳму?
Пиру комил деди:
— Конечно!

Афанди уйлангач, бир ҳафтадан кейин хотини ўғил туғибди.
Бешикни бош тарафига дафтар, қалам қўяётган Афандига одамлар дебди:
— Нега кеча туғилган болани бошига буларни қўйдингиз?
Афанди жавоб берибди:
— Тўққиз ойлик муддатни бир ҳафтада босиб ўтган бола, тез кунда мактабга борса ажабмас!

Йигитга қиз айтяпти:
— Сизга футбол бўлса бўлди. Ундан бошқа нарсани ўйламайсиз!
Йигит:
— Бу нотўғри. Сени хам ўйлайман.
Қиз:
— Хўш унда айтинг-чи, биринчи мартта қачон учрашганмиз?
Йигит:
— 27 май 2013 йил: Реал билан Барселона ўйнаганди ўша кун...

Иккита дўст суҳбатлашмоқда:
— Кеча газетада ғалати эълонга кўзим тушди. "Эртага соат 10:00га шаҳар марказидаги майдонга барча аҳмоқларни келишини сўраймиз" деб ёзилган экан. Мен ҳам айтилган вақтга ўша жойга бориб кўрдим.
— Ҳеч ким келмагандир хойнаҳой?!
— Майдон одамга тўла!!!
— Ким экан улар?
— Аҳмоқларни кўришга келган қизиқувчилар!

Тўйдан ўн кун ўтгач куёв:
— Бўлди гўзалим, бошқа ярамайман. 10та бўлди, бугунга етади. Соат ҳам 3 бўлибди. Эрталаб ишга боришим керак.
— Йўқ, яна битта бўлмаса ухлатмайман, ўзингиз айтгансиз бугун 12та деб.
— Бошқа ярамайман, чарчадим ахир.
— Тўйгача ҳамма ишга ярайман, - деб лағмон осган экансиз-да! Кимга турмушга чиқдим мен ўзи?
— Бўпти фариштам, яна битта бўлса биттада. Фақат келишволайлик, бу охиргиси.
— Раҳмат жоним, шу ремонтни тўйгача битказворганингизда, ҳозир ярим кечагача обой ёпиштирмаётган бўлардик. Қани олинг обойни яна биттасини...

Телеграмда:
— У мендан машинангиз борми? - деб сўради. Мен эса:
— Ҳа албатта, - дедим. Шундан сўнг у:
— Ростанми? - деди.
— Ҳа, фақат у менга эмас, онамга тегишли. Агар менга турмушга чиқсанг, у сеники бўлади, - дедим.
У хурсанд бўлди. Кейин мендан машинани расмини жўнатишимни сўради. Мен ваннага кириб кир ювадиган машинани расмга олиб жўнатдим. 2 дақиқадан кейин қарасам, у мени блоклаб қўйибди. Балки, унга тикув машинаси бор йигитлар ёқар???

Бир йигит мафия бошлиғини қизини севиб қолибди. Бундан хабар топган отаси хизматкорларига йигитни ушлаб келишларини буюрибди.
— Мени қизимни тинч қўясанми?
Йигит:
— Мен уни севаман!
Отаси:
— Дарҳол бунга қизларни кийимини кийдириб, лаб-юзларига аёллар бўёқларини суртиб, маҳалласига ташлаб кетинглар!
Барзанги хизматкорлар машинада олиб кетаётишса, бола ялина бошлабди:
— Йигитлар, илтимос, мени қўйиб юборинглар. Ундай иш қилиб, шарманда қилманглар, ахир мен ўғил боламан-ку! Кейин маҳаллада қандай қилиб бош кўтариб юраман?!
Машина бироз юргач, бир барзангини телефони жиринглабди:
— Лаббай хўжайин!
— Қизимни яна битта ошиғи бор экан. Йўл-йўлакай уни ҳам қўшиб олинглар! Уни яхшилаб дўппослаб, таниб бўлмас қилиб, кимсасиз жойларга ташлаб кетинглар! - дебди қизнинг отаси. Буни эшитган ошиқ йигит хушёр тортиб:
— Илтимос акалар, менга қизларни кийимини кийдириб, лаб-юзларимга аёллар бўёқларини суртиб, маҳалламга ташлаб кетасизлар! Тағин анави иккинчи бола билан адаштириб юборманглар, - дермиш.