Дода латифалар

Бир куни Афандининг уйига Али деган дўсти меҳмонга борибди.
Бир пайт Афанди қараса, Али дастурхондаги кумуш қошиқни чўнтагига солаётганмиш. Топқир Афанди шундай дебди:
— Қаранглар, ҳозир мен қошиғимни чўнтагимга соламан. Бир зумда қошиғим Алининг чўнтагида пайдо бўлиб қолади. Мана...
У шундай деб Алини чўнтагидан ўғирланган қошиқни олиб қўйган экан.

Ўқитувчи:
— Демак, бугун феълни ўтамиз. Алишер айт-чи, агар сен қўшиқ куйласанг нима бўлади?
Алишер:
— Мен куйлаяпман бўлади.
Ўқитувчи:
— Агар кичкина синглинг куйласа-чи?
Алишер:
— Овозингни ўчир бўлади.

Радиодаги табрикдан:
“Севгилим Шаҳнозани туғилган куни билан табриклайман! Шаҳноза сенга “Уммон” гуруҳининг “Алвидо” қўшиғини совға қиламан”.

Она-бола пашшалар деворда ўтирса, она пашша боласига дебди:
— Сен ҳадеб одамлар гавжум столга бориб овқатланаверма! Бир чеккада қолдиқларни егин!
Пашша боласи:
— Кеча одамлар кўп жойда учиб юргандим, росса мени орқамдан қарсак чалиб, қўлларини силкитишди. Менга ёқди. Бугун ҳам бормоқчиман, ойижон... – дебди.

Турмушга чиққан қиз онасига норози бўлиб шикоят қилаётганмиш:
— Ойи, эрим билан ортиқ яшай олмайман!
— Нега?
— Уни тушуна олмаяпман. Ҳар доим тортишамиз, жанжаллашамиз. Эримни камчиликлари жуда кўп!
— Қизим, сен олча ейишни яхши кўрасанми?
— Олча? Ҳа, албатта. Лекин ҳозир буни нима алоқаси бор?
— Олчаларни еганингда ичидаги данакларини чиқариб ташлайсан-ку... Ҳаётда ҳам шундай қилгин. Олчани егин-у, данагини олиб ташлашни ўрган!

Йигит:
— Яхши қиз, 100 минг пулингиз тушиб қолди…
Қиз:
— Бу 100 минг мен билан танишишга баҳона бўла олмайди!
Йигит:
— Унда кўпроқ пул туширинг!

Камбағалчилик қуриб кетсин, қачонгача томи йўқ машина-ю, тугмачасиз телефон ишлатаман?!

Афанди 70 ёшда экан. Ўғлига мақтана кетибди:
— Мен 30 ёшимда қандай кучга эга бўлсам, ҳозир ҳам ҳудди шундай кучим бор.
— Ўғли ҳайроон бўлиб:
— Қанақасига ота? – дебди.
— Мана масалан, 30 ёшимда ҳовлидаги анави тўнкани кўтара олмас эдим. Ҳозир ҳам кўтара олмайман...

Дорбоз дордан ўтаётиб, аксириб юборибди. Пастдагилар “Соғ бўлинг!” дейишибди.
Лекин кеч бўлган эди...

Хотираси паст йигит севган қизидан СМС кутаверибди-кутаверибди...
Охири севгилиси йўқлиги эсига тушиб қолибди.