Дода латифалар

Маршруткада бир йигит қўл телефонида гаплашиб кетмоқда:
“Оғайни гапни эшит! Мени ҳисобимдан 200 миллион оласан-да, қурилиш моллари харид қиласан. Янги иморат қурилишини ҳам бошлайвер! Акцияларни биржага қўясан. Фойда олишни бошлагач, ...” деб гапираётса, ҳамма йўловчиларнинг кўзи чиқаёзай деб қараб туришганмуш. Йигит уларни кўриб дебди:
“Ҳайрон бўлманглар! Дўстим компьютерига янги ўйин ўрнатибди. Ўйин қоидаларини тушунтириб беряпман”.

Буви набирасига бир қути сақич олиб берибди. 10 дақиқадан кейин буви набирасига:
— Менга ҳам сақич бер, - деса набира:
— Қолмади, - дебди.
— Ҳаммасини бирданига еб юбордингми?, - деса, набира:
— Йўқ, битта-битта едим, - дермиш.

Телеграм абонентининг қасамёди:
“Мен Телеграм сафига кирар эканман, сўнгги зарядим тугагунча, охирги мегабайтимни ҳам сарфлаб онлайн бўлишга, Спам бўлсам ҳам ''Deleted account '' қилмасликка ваъда бераман. Агар амал қилмасам ''Сonnecting ''га мубтало бўлай!”

Имтиҳон топшираётган бойвачча талаба дафтар орасига 5000 сўм қўйиб: “Ҳар бир балл учун 1000 сўмдан” деб ёзиб қўйибди.
Имтиҳондан сўнг дафтарни очиб кўрган талаба ичидан 3000 сўм пул ва “Қайтимингиз” деган ёзувни кўрибди.

Бир йигит автобусга чиқса, чиройли рус қиз ўтирган экан. Йигит қизни ёнига бориб:
— Озгина сурилинг, - деса, қиз рус экан тушунмай қараб турибди. Шунда йигит қизга нима деб гапиришни билмай:
— Чуть-чуть иди пошёл... – деган экан тиржайиб.

Бир ёш фермер йигит уйланибди. Ҳар куни даладан келиб, келинчакка “У жойни ҳайдатдим, бу жойни эгат олдирдим”, деб ухлаб қолар экан. Бир куни фермер кечқурун келиб, келинчакка яна ўша гапларини гапираётган экан, келинчак тўсатдан:
— Мен ҳам ерни ижарага бериб юбормоқчиман, - дермиш.

Йигит билан қиз телефонда СМС орқали гаплашмоқда:
Йигит:
— Салом, бахшимисиз?
Қиз:
— Бахшимисиз???
Йигит:
— Э, узр! "Яхшимисиз" демоқчи эдим. Мана бу "Айфон"нинг клавиатурасидаги ахмоқ автокорректор шундай деб ўзгартириб юборибди...
Қиз:
— Ҳа... Нима бўлди экан дебман!? Ўчириб қўя қолинг ўша автокорректорни.
Йигит:
— Мна, у4риб к6едем авт6крректрри. Мнм4а wунака гаплаwсе йахщиде, а нма ддиз?
Қиз:
— Йўқ, яхшиси автокорректорни ёқиб қўя қолинг!

— Сени дазмолга ўхшатдим.
— Дазмол бўлсам, нима қилар эдинг?
— Қизиганмикан деб юзингга тупуриб кўрардим.

Талабаларга маслаҳат. Шпаргалкангизни пулга ёздиринг.
Шунда домла пора олишдан қўрқиб, шпаргалкангизга тегмайди...

Ишга кетаётган эр хотинига дебди:
— Майли, мен кетдим. Бугун кеч қайтаман.
Хотини бўлса эрига:
— Аниқ кеч келасизми??? - дермиш.