Дода латифалар

Акула билан итбалиқ уриша бошлабди.
Жаҳли чиққан акула итбалиққа "Итни боласи" деб бақираётганмиш.

Тренировка залида:
— Қизлар мени орқамдан югуриб юришлари учун "қаерга ишлашим" керак?
— Чўнтакка ишлашингиз керак.

Қизалоқ ва отаси:
— Адажон, мен катта бўлсам сиздек гўзал бўламан.
— Қизим, ойингдек гўзал бўлишинг керак.
— Йўқ. Ойимдек бўлишим учун анча ҳаракат қилишим керак экан. Аввал крем, кейин упа, кейин қалам, туш, лаб бўёғи, ...
Сизда ҳаммаси оддий. Уйқудан туриб юзингизни ювасиз, тамом!

Бугунги ишни эртага эмас, индинга қолдириш керак.
Шунда 2 кун мазза қилиб дам олса бўлади.

Бир киши хотинидан "тўйиб" кетганидан дўконга ўғирликка тушибди. Қамоқда ўтирсам, хотинимдан нарироқ бўламан деб ўйлабди.
Лекин суд унга 3 йил уй қамоғи ҳукмини ўқибди.

— Ўғлингизга ёмон сўзларни ким ўргатяпти?
— Падарингга минг лаънат! Билмиман кимдан ўрганади!

— Оғайни, машинани ойналарини очиб юбор, исиб кетяпман!
— Сабр қил! Қизларни ёнидан ўтиб кетайлик.
— Қизларни бунга нима алоқаси бор?
— Машинамда кондиционер бор деб ўйлашади.

— Бизни хомийлик пулларимиз болаларга етиб бориши аниқми?
— Ахир биз ҳам кимнингдир болаларимиз-ку...!

Менинг ўғлим рус тили, инглиз тили ва бошқа тилда бемалол гаплашиб ўтиради.
Умуман мактабда бошқа фанларда ҳам гаплашиб ўтираверади. Ҳечам тартибга чақириб бўлмаяпти...

Уйланмаган йигитлар диққатига:
Шошилинг! Онлайн тўй қилиш фақат шу кунларда амалга оширилмоқда!