Дода латифалар

Эр хотини билан ҳазиллашмоқчи бўлиб дебди:
— Азизам, сенга бир сирни очишим керак!
— Нима сир экан?
— Мени кечира оласанми?
— Ичимни қиздирмасдан, айтинг тезроқ!
— Бизни қизимиз сени фарзандинг эмас...

Бир йигит қўшнисидан:
— Туғилган кунинг қачон?, - деб сўрабди.
— Май ойида. Нега сўраяпсан?
— Сенга парда совға қилмоқчиман. Деразангга осиб қўясан. Хотининг уйда нуқул очиқ-сочиқ кийиниб юради.
— Мен эса сени туғилган кунингга бинокль совға қиламан. Кўрган аёлинг, ким эканини кузатишинг учун...

Ўқитувчи ўқувчиларни синф партасига жойлаштиряпти:
— Сени даданг қаерда ишлайди?
— Мани дадам бозор раҳбари.
Ўқитувчиси биринчи болани энг олди қатордаги партага ўтказибди.
— Қани, сени даданг қаерда ишлайди?
— Мени дадамни иккита мебель дўконлари бор, - деб жавоб берибди иккинчи ўқувчи.
— Бозор раҳбари ўғлини ёнига ўтир!, - дебди ўқитувчиси.
— Қани, сени даданг ким?
— Мени дадам прокуратурада.
— Қани биринчи партада ўтирганлар турларинг-чи! Иккинчи партага ўтир иккаловинг! - деб учинчи болани энг олди партага ўтқазган ўқитувчи яна сўрабди:
— Хўш, даданг прократурада нима иш қилади?
— Билмиман. Дадамни кеча иккита одам олиб кетишганди-да ўша прокуратура деган жойга...дермиш бола.

Бир кишининг хотини вазнини ўлчамоқчи бўлиб тарози устига чиқибди-да, семиз қорнини ичига торта бошлабди. Буни кўрган эр:
— Овора бўлма хотин, барибир вазнинг камайиб қолмайди, - деб кулибди.
Хотини эса эрига қараб:
— Ҳеч бўлмаса тарози нечини кўрсатаётганига қараб олай!, - дебди.

2060-йилда шогирд устозидан сўради:
— Устоз 50йил олдин қизлар нима кийишган?
Устоз жавоб қилди:
— 50йил олдин қизлар калта бўлса ҳам юбка кийишган.

Футбол шарҳловчиси:
— Бизнинг жамоамиз урган ажойиб, чиройли бир голимизга рақибларимиз арзимаган учта гол билан жавоб қайтаришди.

Олдинги қизлар ўқишга: "Ой бориб, омон қайтишарди".
Ҳозиргилари: "Ойбек билан бориб, Омон билан қайтишмоқда".

Бир қиз фолбин олдига келиб:
— Хола, мени 2та йигит севади, қайси бирини омади чопади, - деса
Фолбин:
— Азизнинг омади чопади, Аҳмад эса уйланади, - дермиш

Узоқ йўлга қатнайдиган автобусда йигит билан қиз ёнма-ён ўтрибди. Йўл бўйи йигит ойнадан ташқарига қараб хаёл суриб кетаверибди. Унинг индамаслигидан сиқилиб кетган қиз телефонига ўзининг рақамини териб йигитни туртибди.
Йигит қараса қиз нариги томонга қараб турган экан. Қўлидаги телефонда эса рақамлар ёзилганмиш. Буни кўрган йигит телефонидан ҳисобни текшириш рақамини терибди. Сўнг телефонини қизга қаратиб ўзи юзини нари бурибди. Қиз унинг телефонида: –(минус) 2.66$ деган ёзувни ўқиб:
— Эй, худо нима бўлса ҳам текин гудок ташлаб ўйнамасинда, – дермиш.

Сигирга савол беришди:
— Сен ақллимисан ёки эшакми?
— Албатта мен ақллиманда! Эшак энг аҳмоқ ҳайвонку!
— Нега сабаб?
— Чунки мен машина йўлидан ўтаётганда, икки томонга яхшилаб қараб кейин ўтаман. Эшак эса молга ўхшаб қарамасдан ўтиб кетаверади.