Дода латифалар

Бир йигит уйига қўнғироқ қилса, беш ёшли қизи олибди:
— Ойинг қани?
Қизалоқ:
— Тепадаги ётоқхонадалар. Битта амаки билан гаплашиб ўтиришибди, - дебди.
Йигитни ранги ўчиб :
— Ҳозироқ тепага чиқасанда, “Дадам келдилар!” дейсан, кейин менга нима бўлганини айтасан! - деб буюрибди.
Орадан беш дақиқа ўтиб қизалоқ гўшакни олиб:
— Алло! Дада! Ойим зинадан югуриб тушаётиб халатига уралашиб йиқилиб, "Вой-войлаб" ётибдилар. Ҳалиги амаки иккинчи этаждан ўзини ҳовузга ташлаб, сув йўқлиги учун ухлаб қолди, - деса, йигит ҳайрон бўлиб:
— Ие, уйимизда ҳовуз йўқ эди-ю?!
— Дада, ўзингиз қурдирдингиз-ку ҳовузни... - дебди. Йигит баттар ажабланиб:
— Бу ўзи Эшматовлар хонадоними? - деб сўраса, қизалоқ:
— Йўқ, уларники эмас - дебди.
Йигит телефонига терилган рақамларга бир қарабди-да, жилмайиб:
— Узр қизалоқ, адашибман, - деган экан.

Автобусда бир одам аксирибди. Ҳамма унга “Соғ бўлинг” дебди. Ўша одам яна аксирибди. Яна унга “Соғ бўлинг!” дейишибди. Учинчи марта аксирганди бир киши “Тушунмаяпти шекилли. Будьте здоровы!” деган экан.

Эримнинг шкафидан қоғозга ўралган пулни топиб олдим. Қоғоз устига "Яқинимга совға учун!" деб ёзилган экан. Хурсанд бўлиб, чўнтагимдаги пулларни ҳам қўшиб қўйдим. Менга олаётган совғасига пул етмай қолмасин дедим-да. Эртаси куни қарасам, эрим машинасига янги ғилдираклар сотиб олибди. Шкафда эса пуллар йўқ...!

Талабаларга маслаҳат. Шпаргалкангизни пулга ёздиринг.
Шунда домла пора олишдан қўрқиб, шпаргалкангизга тегмайди...

Кечги овқатга нохотшўрак еганларга маслаҳат.
Эртаси куни эрталаб уйғонгандан сўнг, асло чироқни ёқманг! Портлаш хавфи бор. Яхшиси хонани шамоллатинг.

Маст ҳолда уйга келган эрини кўриб, хотинини жаҳли чиқибди:
— Яна ичиб келдингизми? Ичган жойингизга боринг!
Эр ўзида йўқ хурсанд, телефонини олиб кимгадир қўнғироқ қилиб дебди:
— Оғайни шошмай туринглар! Мен ҳам бораман! Рухсат олдим!

Бир куни иккита қурт гаплашиб ўтиришса, бири ҳадеб қимирлайверибди.
Шунда ёнидагиси унга қараб:
— Нега ҳадеб типирчилайсан!? Ичингда қуртинг борми? - деган экан.

Кампир бўғирсоқни юмалаб кетаверишидан чарчаб, уни учбурчак қилиб ясаб кўрибди...

Бир киши ярим кечаси қоронғу кўчадан кетаётган экан, йўлидан безорилар чиқиб дебди:
— Қўлингдаги тилла соатни еч!
Ҳалиги киши:
— Вой дод! Ёрдам беринглар!!! - деб бақира бошласа, йўлтўсарлар:
— Ие, ҳали сени тилла тишинг ҳам борми?! - деган экан.

Бир киши Россияга кетмоқчи бўлиб йўлга отланибди-да, ўғлини ёнига чақириб дебди:
— Мен ишлаш учун узоқларга кетяпман. Онангга қараб юр. Агар бегона эркак билан гаплашса, ҳовли этагига қурган янги иморатдан битта ғишт олиб қўясан. Қайтгач, шу иморатга қараб ўзим билиб оламан.
Орадан бир йил ўтиб, ҳалиги киши уйига қайтса, ўғли йўқ эмиш.
— Ўғлимиз қани? - деб сўрабди хотинидан.
— Жиннихонада ётибди. Янги қурган иморатни йиқитавериб, жонга тегиб кетди, - дермиш хотини.