Дода латифалар

— Амаки, авваллари ширин сут олиб келардингиз, нега олиб келмаяпсиз?
— Эшагим сут бермай қўйди, бачам...

Ўқитувчи болалардан бирма-бир оилавий аҳволи тўғрисида сўрай бошлабди.
— Қани сен, тур-чи! Даданг нима иш қилади?
— Дадам солиқда ишлайди.
— Оилавий аҳволингиз қанақа?
— Ҳаммаси зўр!
Иккинчи болани тургизиб сўради:
— Сенинг-чи, даданг нима иш қилади?
— Ҳокимиятда ишлайди.
— Шароитинглар қанақа?
— О-о, класс!!!
Бир бола парта остига кириб кетай деб ўтирганмиш. Ўқитувчи уни кўриб:
— Сен нега беркиняпсан? Тур-чи!? Даданг нима иш қилади?
— Дадам тадбиркор.
— Оилавий шароитларингиз қанақа?
— Анави иккаласини дадаси бўлмаганида, биз ҳам зўр яшардик.

Оғир бемор:
— Доктор, яна қанча яшайман? - деб сўрабди.
Доктор:
— Ҳавотир олманг! Узоқ йиллар яшайсиз, яқинларингиз хотирасида.

Бир йигит касалхонада бошдан-оёқ гипс ҳолатда ётган эмиш. Ёнига бир дўсти уни кўргани келди ва ундан сўради:
— Ие, Алижон дўстим қандай қилиб бу аҳволга тушиб қолдинг?
Алижон:
— Бир машина катта тезликда келиб, қайнонамни уриб юборди.
Дўсти яна сўради:
— Қайнонангни машина уриб кетган бўлса, сен нега бу аҳволда ётибсан?
Алижон:
— Ўша машинани ғилдирагини ўпаман дегандим... шу холос.

Сигир ёнғоқ дарахтга чиқиб кетаётган экан мушук кўриб қолиб, сўрабди:
— Ҳой сигир, нега дарахтга чиқяпсан?
Сигир:
— Олма емоқчиман, - дебди.
— Ие, бу ёнғоқ дарахти-ку?! - сўрабди ҳайрон бўлиб мушук.
Сигир бўлса:
— Олма ўзимда бор, - дермиш.

Бир кампирни шифохонага олиб келишибди.
Шифокор кампирга:
— Сизни ўтган сафар ҳам қўзиқориндан заҳарланишдан даволаган эдим. Нима бўлди? - деса, кампир:
— Ўша қўзиқоринни қолганини еб қўйибман, - дермиш.

Ўрмонда бир маймун банан пўчоғини сувда ювиб ўтирса, айиқ келиб дебди:
— Нима қиляпсан?
Маймун:
— Минг сўм берсанг айтаман, - дебди.
Қизиқиб кетган айиқ маймунга минг сўм бериб:
— Энди айтақол, банан пўчоғини нима қиляпсан? - деса, маймун:
— Ювяпман, - дебди.
Шунда айиқ кулиб:
— Ақлдан оздингми? - дебди. Маймун бўлса унга жавобан:
— Ақлдан озганманми, йўқми, лекин кунига ўн минг пулим бор, - дермиш...

— Янги Ласетти олибсан. Қанақа экан? – деб сўрабди йигит дўстидан.
Дўсти бўлса:
— Яхши. Ишхонага 20 дақиқада бораман. Уйга эса 2 соатда келаман, - дебди.
— Нега? – сўрабди йигит.
— Чунки олдинги юришга бешта узатма бор. Орқага эса битта, - дермиш дўсти.

Бир одам йўлда кетаётиб, жуда-ям исиб кетибди.
Дўконлардан бирига кирса, муздеккина экан. Бироз дам олиб турмоқчи бўлса, сотувчи келиб сўрабди:
— Келинг, нима оласиз?
Ҳалиги одам:
— Дам оламан, борми? – дермиш.

Талабалар шиори:
3 баҳо оладиганлар: 3 қўй лекин мани тинч қўй!
4 баҳо оладиганлар: Етса билим, етмаса пулим!
5 баҳо оладиганлар: Ҳаражатсиз ҳаракат 0 га тенг!