Дода латифалар

Икки улфат кўл бўйида гаплашиб ўтиришса, Хаммер машинасида бир бой келиб дебди:
— Йигитлар, кўлни қаери саёз? Машинамда нариги қирғоққа ўтиб кетмоқчиман.
— Мана бу еридан ўтсангиз бўлади, - деб жавоб беришибди.
Бой Хаммерида кўлга қараб ҳайдабди-ю, шу заҳоти чўкиб кетибди. Бир амаллаб сузиб чиққан бой:
— Саёз дегандиларинг-ку!? - деса, улфатлар ҳайрон бўлиб:
— Ҳозиргина шу ердан бир тўда ўрдаклар ўтиб кетишганди-да..., - дермиш.

Кўчада кетаётган енгилтак аёл бир эркакка қараб:
— Сиз мени бешинчи эримга жуда-ям ўхшар экансиз...!? - дебди
Эркак ҳайрон бўлиб:
— Ўзи эрларингиз нечта бўлган? - деб сўраса, аёл:
— Тўртта, - дермиш.

Википедия: — Мен ҳамма нарсани биламан!
Гугл:— Мен исталган нарсани топа оламан!
Фейсбук:— Мен ҳаммани танийман!
Интернет: — Барибир менсиз ҳечкимсизлар!
Электр: — Овозларингни ўчирасанларми, йўқми?!...

Чўлда сувсизликдан ташна бўлиб кетаётган одамнинг
йўлидан қудуқ чиқиб қолибди.
Қудуқни кўрган ҳалиги одам қувонганидан, — Сув, сув, - деб бақирганча қудуқ томон югурибди. Шу пайт қудуқ ичидан бир одам отилиб чиқиб:
— Қани сув? Қани?! - дебди.

Бир одам уйини балконига чиқиб, шаҳарни томоша қилиб турса, қафасдаги тўтиси:
— Ҳой анқов, тентак, - дебди.
Эгасини кайфияти тушиб, ичкарига кириб кетибди. Эртасига яна шу аҳвол ...
Тўтисини жазоламоқчи бўлиб, қафасни устини ёпиб қўйибди.
Икки кундан кейин очиб қараса, тўтисига ҳеч нарса қилмабди. У яна эгасига қараб:
— Сани тентак десам, ғирт мараз экансан-ку, - дермиш.

Бир киши хотинини стоматологга олиб борибди. Стоматолог ҳазиллашиб:
— Кенайи, тишларингизни эрингиз уриб тўкиб ташладими? - дебди. Шунда аёлни эри:
— Ука, сеники ҳозирча бутун экан. Тилинга эҳтиёт бўл! - дермиш.

— Футболчилар гол ура олишмаса, "оёқлари қийшиқ" деймиз.
Балки уларнинг кўзлари ғилайдир!?

Бир куни Москвадан Африкага учаётган самолёт жунгли ўрмонларига қулаб тушибди. Самолёт ичидаги одамлар ҳайрон, ҳамма ёкда турли хил ҳайвонлар...
Шунда битта маҳлуқ келиб самолёт ичига қараб:
— Аёлларни ейман, эркакларни олиб қоламан. Улар менга овқат пишириб, кийимларимни ювишади, - дебди.
Шунда бир аёл ўрнидан туриб:
— Илтимос, бизни еманг, ахир бундай ишларни аёллар қилишади-ку..., - деса, самолёт охирида ўтирган барзанги эркак ўрнидан туриб:
— Ҳой нодон аёл нималар деяпсан?! Маҳлуқ акамни ўзи билади нима қилишни, - дермиш

Ўқитувчи тўполончи ўқувчининг танобини тортиб қўйиш учун унга савол берибди:
— Қани, менга осмонда нечта юлдуз борлигини айтиб бер-чи.
— Юз мингта юлдуз бор, - иккиланмай жавоб берибди ўқувчи.
— Яхши. Кечқурун санаб текшириб кўраман.
Эртаси куни ўқитувчи яна ўша ўқувчини саволга тутибди:
— Жавобинг нотўғри экан. Осмонда 9997 та юлдуз чиқди.
Ўқувчи чапак чалиб юборибди:
— Айтгандим-ку, юз минг юлдуз бор деб. Кеча тунда учта юлдзуз учганини қўшсангиз жавоб тўғри бўлади.

— Бир дақиқа кулгу умрни беш дақиқага узайтириши ростми?
— Бу кимни устидан кулишингга боғлиқ...! Бошқа умуман кулмаслигинг ҳам мумкин...