Дода латифалар

Ҳомиладор аёл акушер кўригидан ўтиб бўлгач, суҳбатлашибди:
Акушер:
— Мана, тўққиз ойдан сўнг она бўласиз!
Аёл:
— Нимага тўққиз ой? Намунча узоқ? Икки ойдан сўнг иложи йўқми?
Врач ҳайратланиб:
— Буни асло иложи йўқ! Табиат қонуни шунақа. Она фарзандини тўққиз ойда дунёга келтиради, икки ойда эмас...
— Табиатни тинч қўйинг! Тажрибасиз эканингиз кўриниб турибди. Биз танлов ўтказиб, икки ойда ишни битирадиган пудратчи топамиз. Хайр! Фейсбукда "Потребитель"га сиз ҳақингизда салбий фикрлар ёзиб қолдираман.

Хотин эрдан аразлаб онасиникига кетиб қолди. Лекин кўп ўтмай қайтиб келиб эрига:
— Мени кечиринг, - деб ёлбора бошлади.
Эрнинг фиғони фалакка чиқди:
— Кетиб қолганингни кечиришим мумкин, аммо қайтиб келганингни у дунё, бу дунё кечирмайман!

Бир куни ўғри бадавлат хонадонлардан бирига ўғриликка тушибди. Уйда ҳеч ким йўқлигида келиб, аста эшик қулфини буза бошлабди. Шу пайт домофон ишга тушибди:
— Ассалому алайкум! "Ақилли уй" тизимига хуш келибсиз. Билишимча сиз ўғрисиз ва уйни шип-шийдон қилгани келгансиз. Тўғрисини айтганда, мен бу уй эгасини жуда ёмон кўраман. Сабаби у мен билан доим қўпол муаомалада. Шунинг учун сизга эшикни ўзим очиб бераман.
Шу пайт эшик очилибди. Ўғри эсини йўқотиб қўяй дебди. Ҳалиги овоз эса гапиришда давом этирмуш:
— Эшик олдида турган қопларни олинг. Барча бойлик шуни ичида. Фақат тезроқ кетишингиз керак. Бир дақиқадан сўнг сигнал товуши ишлаб кетади. Тезроқ! Тезроқ!
Ўғри қопларни кўтариб, жон ҳолатда қочиб қолибди.
Уч соатдан сўнг уй эгаси қайтиб келса, домофон ишга тушибди ва дебди:
— Ассалому алайкум хўжайин! Уйдаги ахлатлар ташланди!

Хирургия бўлимида операция кетяпти. Шу пайт чироқ ўчиб қолибди. Бироздан сўнг чироқ ёнганида қарашса бемор йўқ эмиш. Асисентлар ғала-ғовур кўтара бошлабди. Хирург эса хотиржам ҳолда:
— Бўлди тинчланинглар. Биринчидан, бемор наркозда узоққа боролмайди, иккинчидан, жигари мени қўлимда қолди, - дермиш.

Донишмандга савол беришибди:
— Нега, кўпинча аёлларнинг боши оғрийди?
Донишманд жавоб берибди:
— Кучсиз эркакларнинг аёлларини боши оғрийди, кучли эркакларнинг аёлини боши айланади!

Йигит билан қиз кечқурун гаплашиб ўтирса, бир пайт қиз:
— Совуқоттим, - дебди
Йигит костюмини кийдирибди.
Қиз яна:
— Совуқотвомман, - деса
Йигит:
— Шапкасиниям кийдирибди.
Қиз:
— Йўқ, сиз мени тушунмадингиз. Мен ойижонимга совуқоттим десам, қучоқлаб, иситиб қўярдилар, - деса
Йигит:
— Вой, сан ғалати қиз экансан-ку. Ярим кечаси ойингни қаттан топиб келаман, - дермиш

Она қизидан сўради:
— Нега Аҳмаджон деган йигитга турмушга чиқишни хоҳламаяпсан?
— Ойи, ахир у малласоч-ку!
Ота гапга аралашди:
— Ўша йигитга турмушга чиқавер, қизим! Сен билан бир йил яшаса, сочи оқариб кетади, жавоб!

Бир куни ўқитувчи дарс ўтиб турганида 3та ўқувчи кечикиб келибди. Ўқитувчи 1-ўқувчидан:
— Сен нега кечикиб келдинг ?
Ўқувчи:
— Мен бозорда пойабзал сотаман, шунинг учун кечикдим, - деб жавоб берибди
Ўқитувчи хурсанд бўлиб:
— Размеримни биласана? - деб киритибди
2-ўқувчидан сўрабди:
— Сен нега кечикиб келдинг?
Ўқувчи:
— Мен бозорда газлама сотаман, - деб жавоб берибди
Ўқитувчи яна:
— Размеримни биласана? - деб киритибди.
3-ўқувчидан сўрамасдан жойига ўтказган экан...
Ўқувчи:
— Устоз мен гўрковман, сизнинг размерингиз нечи? - деб сўрабди.

Фараз қилинг инсон 1000 йил яшaса қандай бўларкин! Ота ўғлини сўкяпти: Падаринга лаънат, 670 йилдан бери ичасан, ҳеч ичкиликни ташламайсан, ўғлинг сендан безиб Россияга кетганига 215 йил бўлди, катта ўғлинг 480 га кирди ҳали ўйламайсан, қизинг 270 га кирди қачон эрга берасан, кичик ўғлинг 113 га кирди, суннат тўйиниям қилмадинг!

Афандининг ошнаси ундан сўради:      
— Мулла Насриддин, бола-чақангиз кўпми?
— Болам кўпу, чақам камроқ,— деб жавоб берди Афанди.