Дода латифалар

Мутахасисиларнинг фикрича ҳозирги замонда аёлларга эмас, эркакларга ҳайкал қўйиш керак.
Чунки аёлларнинг ҳайкали ҳар битта дорихонанинг тепасида бор!

Хотин эрига деди:
— Азизим, сизни телефонингиздан дугонамга қўнғироқ қилиб олсам майлими? Ўзимникида пул қолмабди.
Эри:
— Майли, қилавер!
Хотини дугонасини рақамини терса, гўшакни у томонидан жавоб келибди:
— Алло, бормисиз жоним...

Ишхонага юзлари тирналган эркак кириб келибди. Бу аҳволни кўрган дўсти ундан:
— Нима бўлди? - деб сўраса,
— Хотиним! - дебди.
— Хотининг онасиники кетган деб ўйлагандим?!
— Мен ҳам шунақа деб ўйлагандим...

Жуҳуд яқин дўстига деди:
— Фима, илтимос, сендан қарз олганимни хотинимга айтиб қўймагин!
— Айтмайман. Лекин менам сендан бир нарсани илтимос қилмоқчийдим.
— Нимани?
— Сенга қарз берганимни хотинимга айтиб қўймагин!

Бир маст киши Чорсуда таксига ўтириб ҳайдовчига:
— Мени Чорсуга олиб бориб қўйинг, - дебди.
Шунда таксист:
— Сиз аллақачон Чорсудасиз деса, ҳалиги маст чoнтагидан пулини чиқариб, йўл ҳаққини икки ҳисса тўлаб ҳайдовчига:
— Иккинчи бунақа тез ҳайдаманг, - деган экан.

— Энажон, ёшингиз 80 га етибди. Сизнинг ҳужжатларингизни институтга қабул қила олмаймиз. Қариган чоғингизда нима учун ўқишга кирмоқчисиз?
— Болам, ҳамма гап чолимда. Чолим талаба қизларни яхши кўради-да.

Милиция бўлинмасида ярим кечаси телефон жиринглаб қолибди. Навбатчи трубкани кўтариб:
— Милиция навбатчиси эшитади.
Нариги томондан ваҳимага тўла, қўрқувдан қалтираган овоз келибди:
—Тезда Толзор кўча 18-уйга наряд юборинглар. Уйда қора мушук юрибди. Важохати жуда ёмон.
— Бир мушукни деб милицияни безовта қилдингми лаьнати! Бу ишинг учун жавобгарликка тортиласан. Кимсан ўзинг?
— Тўтиман мен тўти! - дермиш трубкани у томонидан.

Бойиб кетиш учун 3 нарса зарур:
Ақл, истеъдод ва жуда кўп пул...!

Иккита хирург учрашиб қолиб, бири иккинчисига дебди:
— Нега сиз беморларни чала даволаб рухсат беряпсиз?
— Ие, эшитмадингизми? Ишим энди ярим ставка-ку!

Ўқитувчи савол берди:
— Қўлсиз, оёқсиз эшик очар бу нима Ахмат?
— Бу мени дадам!
— Ўтир хазилкаш бу нима деганинг!?
— Устоз тўғри-ку, дадам ичиб келган кунлари қўл оёқларини ишлатмай, боши билан эшикни суриб кирадида уйга...