Дода латифалар

— Уйда бир ошхўрлик қилмаймизми?!
— Йўқ, биз озмоқчимиз-ку!
— Унда ош марказига пиёда борақолайлик...!

— Хотин, машинамни калитларини топгандим.
— Ҳа, йўқотиб яна топган эдингиз.
— Кўрмадингми, қаерга қўйдим?!

Бир одам дарё бўйида ити билан балиқ тутиб ўтирган экан, шу пайт сувдан сигир чиқиб:
— Сигаретни туташтириб олсам бўладими? - деб сигаретини туташтириб шўнғиб кетибди.
У одам ҳайрон бўлиб итига қарабди. Ити унга термулиб, кўзларини пилдиратиб:
— Нима менга қарайсиз?! Ўзим ҳайрон қолдим, - дермиш.

— Хотин, кўчага чиқиб олиб ғийбат қилишдан бошқа дардинг йўқми?!
— Бор! Гапларимни эшитадиган бекорчи қўшнини топиш!

Эр-хотин гаплашиб ўтириб, хотини:
— Қандай танишганимиз ёдингиздами? - деса, эри:
— Ҳа. Мен таксига қўлимни кўтарсам, сен ёнимга келиб олгансан, - дермиш.

— Негадир овқат есам, бир олчани таъми, бир овқатни таъми келади.
— Тишингни ювиб турибсанми?

Журналист шаҳар кўчаларидан бирида фуқаролардан интерьвю олмоқда:
— Давлатимиз ривожи тўғриси нима дейсиз?
— Жуда оқилона сиёсат олиб борилмоқда. Фуқаролар шод-ҳуррам. Ҳамма нарса етарли. Нарх-наво пасайиб бормоқда. ...
— Сиз қайси туманда истиқомат қиласиз?
— Мен давлатингизга хориждан меҳмон бўлиб келганман.

— Сени шунчалар севаманки, исмингни уйимни ҳовлисига ёзиб қўйдим.
— Шунчалик севсанг, уйингни мени номимга ёздириб бер!

Манзилга етиб келганда такси ҳайдовчиси йўловчига:
— Узр, мен ҳисоблагични ёқишни унутибман, - дебди.
Йўловчи:
— Бўлиб туради... Мен эса ҳамёнимни уйда унутибман, - деган экан.

Икки соат олдин янги телефон топиб олдим.
Ҳеч кимга рақамини беришга улгурмадим-у, лекин кимдир тинимсиз қўнғироқ қилиб жонимга тегди.
Мени янги телефонимга қўнғироқ қилишни бас қилинг!