Дода латифалар

Япониянинг Тойота компанияси директори билан Асака машина заводи директори учрашиб қолибди.
Тойота директоридан ўзбек директори сўрабди:
— Сизларни заводингизда нечта инженер ишлайди?
— 7 нафар, - дебди япон.
— Сизларда-чи? - деб сўрабди у ҳам.
Асакалик акахон ичида:
"Ҳозир менда 80 та инженер ишлашини айтсам, ғалати бўлмасинмикин?!" - деб, 6 та ишлайди, - деб қўяқолибди.
Эртаси куни Тойота директорини кўрса, кўзлари қизариб кетган эмиш.
Асака заводини раҳбари:
— Сизга нима бўлди? - деб сўраса, япон:
— Кечаси билан ухламай ўйлаб чиқдим. 7-инженерим нима иш қиляпти экан деб, - дермиш.

— Исминг нима сени?
— Тоштемир.
— Исминг бунча қийин?! Эслаб қололмаяпман.
— Қурилиш қилсангиз эслаб қоласиз.

Уйда ўтирган пайтим уйда "Кел, шу ўтиришимда эсда қоларли бир иш қилай!" дедим-да, уйда ўтириш бўйича рекорд ўрнатдим.

Тасаввур қиляпсизми? Агар ҳозир умумхалқ ҳашари эълон қилинса, нечи минглаб одамлар кўчага отилиб чиқишади?!

Карантин даврида инсонлар китоб ўқиш, спорт билан шуғулланиш ва ўз устида ишлаши учун вақтлари йўқлиги бор-йўғи уларнинг бир баҳонаси эканини исботлаб берди.

Қизалоқ:
— Адажон, музқаймоқ олиб беринг.
Ота:
— Йўқ қизим! Музқаймоққа пулимиз етмайди.
Қизалоқ:
— Нимага етади унда?
Ота:
— Фақат гўштга етади!

Болалигимизда катталар бизга “Катта бўлсанг айтиб бераман” дейишар эди.
Кимгадир бирор нарсани айтиб беришдими катталар?

— Do you speak English?
— Мен-ми? Ҳа, шунақа-ям speak қиламан-ки, кўрсангиз do деб юборасиз...

Икки доктор гаплашяпти:
— Нега сиз беморларингизни чала даволаб, уйга жавоб беряпсиз?
— Ахир мен ярим ставкадаман-ку!