Дода латифалар

Бир аёлнинг эри ҳар куни маст бўлиб уйига келар экан.
Ниҳоят хотинини сабри тугаб эрига дебди:
— Дадаси, агар эртага ичишни ташласангиз, боқиб турган қўчқоримизни оёғингиз остига сўяман, - дебди.
Эртаси куни эри ҳар кунгидан баттар ичиб, маст бўлиб келибди ва тўғри қўйхонага бориб, қўчкорга қараб дебди:
— Қўрқма! Сен сўйилмайдиган бўлдинг! Токи мен тирик эканман, ҳали кўп яшайсан!

Бир йигит дўстига дебди:
— Сенга бир гап айтайми? Негадир охирги пайтларда ҳаёлинг паришон бўлиб қолгансан, - деса, дўсти:
— Нима гап айтмоқчи эдинг? – дермиш.

Қарға осмонда учиб кетаётган реактив самолётга қараб туриб ёнида бирга учаётган қарғадан сўрабди:
— Қизиқ, анави қушча қандай қилиб бундай тез уча оларкан-а?
— Сенинг ҳам думингга ўт қўйишса, қандай учишингни кўрардик, - дебди ёнидаги қарға.

Бир ўзбек футболчимиздан сўрашибди:
— Нега ўйин вақтида бунча кўп гапирасиз?
У дебди:
— Ўйинчиларимиз чет тилини билмайди. Шунинг учун рақибларимиз қандай тактика қўллаб ўйнаётганини уларга тушунтираман.

Бир мушук кўчада дайдиб юрса, итни учратиб қолибди:
— Нима қилиб санғиб юрибсан? – дебди итга.
— Хўжайин уйга домофон қўйди. Энди мени керагим йўқ, - дебди ит.
— Ўзинг-чи? Хўжайнингни совуқда оёғи оғрирди шекилли...? Сен уни оёқларида ётардинг. Сени жуда яхши кўрар эди-ку!? – деса, мушук:
— Э, хўжайиним уйига иссиқ пол ўрнатди. Энди мени керакмас деб ўйлаяпти. Ҳали қиш келсин, кўрамиз...!

Қиз болани уйига совчилар келиб-кетибди.
Онаси:
— Нимаси ёқмади? Туппа-тузук йигит-ку!
Қиз:
— Ёқмади! Сариқ-машак! Сочини қаранг, сап-сариқ!
Қўшни хонада қизини гапини эшитиб ўтирган адаси:
— Тегавер, зарари йўқ! Сен билан 1 йил яшаса, сочи оппоқ бўлади-ку!

Ҳурматли эркаклар! Агар сиз дарёни ёнгинасида яшангиз ҳам, хотинингиз албатта Туркия денгизларида чўмилгиси келаверади...

Бир аёл эгизак фарзандларни дунёга келтирибди. Бири сап-сариқ, иккинчиси қоп-қора эмиш.
Туғруқхонада сиз ўйлагандек шивир-шивир болалай бошлаган экан янги она шундай изоҳ берибди:
"Ҳомиладор бўлгандан бери тинмай Фанта билан Кола ичдим. Ҳаммаси шундан".

— Дўстим, нега кайфиятинг йўқ?
— Э, кўрмайсанми! Бензин яна ошибди.
— Сенга нима? Ахир сени машинанг йўқ-ку!
— Машинам бўлмаса ҳам, Zippo зажигалкам бор-ку! Унга бензинни ким қуяди!?

Ҳайвонларга қизиқувчан йигит зоодўконга кириб сўрабди:
— Сизларда гапирувчи ҳайвон борми?
— Бор. Бизда қирқоёқ деган жонивор бор. У бемалол гаплашади, - дебди сотувчи.
Йигит:
— Илтимос, қирқоёқ берсангиз, - деб сотиб олибди.
Уйига келгач, қирқоёққа овқат берибди. Бироздан сўнг йигит:
— Юр, кўчага чиқиб келамиз, - деса, қирқоёқ индамасмуш. 10 дақиқа ўтиб, йигит яна:
— Юр деяпман кўчага чиқамиз, - дебди.
Қирқоёқ бўлса:
— Шошмай тур, пойафзалларимни кийиб олай! – дермиш.