Дода латифалар

Болалигимизда катталар бизга “Катта бўлсанг айтиб бераман” дейишар эди.
Кимгадир бирор нарсани айтиб беришдими катталар?

— Do you speak English?
— Мен-ми? Ҳа, шунақа-ям speak қиламан-ки, кўрсангиз do деб юборасиз...

Икки доктор гаплашяпти:
— Нега сиз беморларингизни чала даволаб, уйга жавоб беряпсиз?
— Ахир мен ярим ставкадаман-ку!

Телефон қўнғироғи жиринглади:
— Алло?
— Алло. Мен моргга тушдимми?
— Йўқ. Ҳозирча бу ерга фақат қўнғироқ қиляпсиз.

Маҳаллада 20 та хотин гаплашиб ўтирса, бир киши янги машина ҳайдаб келиб дебди:
— Қайси бирингизни телефонингизда қайнонангизни расми бўлса, шу машина ўшаники бўлади.
Афсуски, машинани ҳеч ким ололмабди.

Узоқ вақт учрашмаган дўстлар:
— Салом дўстим! Ўзгариб кетибсан. Нима иш қиляпсан?
— Менми? Тадбиркорман.
— Тадбиркор? Ўх-ў, зўр-ку! Айнан қандай тадбиркорсан?
— Оч қолмаслик чора-тадбирларини қидириб топаман.

Аёллар турмушга чиқганларидан сўнг ўта сезгир бўлиб қолар эканлар. Эрининг пластик карточкасига пул тушганини эшитишармиш...

Ирим-сиримларга ишонасизми?
Хотин уйдан чиқса, пул кетармиш...

Судя:
— Нега сиз нуқул кундуз куни ўғирлик қилгансиз?
Айбланувчи:
— Кечаси кўп пул билан юришга қўрқаман-да.

Йигит отасини машинасини ҳайдаб кетяпти:
— Қалай ада, машина ҳайдашни ўрганибманми?
— Йўл четида турганчиройли қизни кўрдингми?
— Йўқ, кўрмадим.
— Унда ҳали ўрганмабсан!