Дода латифалар

Бир талаба эрталаб машинасида шошиб ўқишга кетаётиб, қизил чироқда ўтиб кетибди. Йўл четида беркинолмасдан турган ГАИ дарров тўхтатибди.
Ҳужжатларни текшира туриб дебди:
— Бекорчи эканмиз-да?!
— Ҳа бекорчимиз! - дебди талаба.
— Давлатни пулларини еб ётибмиз денг...?!
— Ҳа, шундай! – дебди яна.
— Талаба эканмиз-да...?!
— Бу ерда талаба фақат менман...!

Афанди яшайдиган қишлоқда ўзидан бошқа саводли одам бўлмаган экан.
Бир киши афандини ёнига келиб:
— Менга мактуб ёзиб берсангиз, нариги қишлоқда яшайдиган қариндошимга юбормоқчи эдим, - дебди.
Афанди:
— Иложим йўқ. Оёқларим оғрияпти, - дебди.
— Хатни қўл билан ёзасиз-ку, оёқларингизни нима алоқаси бор? – дебди ҳалиги киши ҳайрон бўлиб.
— Мени хатимни ўқиш учун албатта ўзимни чақиришларига тўғри келади. Мен эса бора олмайман, - деган экан афанди.

Бир тошбақа барга кириб, бир стакан сув олиб кетар экан.
Бир кун, иккинчи кун, учинчи кун...
Охири барда ўтирган бўри сўрабди:
— Ҳой тошбақа, нега уч кундан бери сув ташийсан? – деса, тошбақа унга:
— Уч кун бўлди, уйимда ёнғинни ўчира олмаяпман, - деган экан.

Ўзбекистон - Сурия ўйинидан сўнг championat.asia сайтидан энг қизиқарли изоҳлар тўплами:

1. “Чўпон” ўзгарди! Лекин қўйлар ўша-ўша!
2. Куперни кимдир алдаб, “Шу ўйинчилар - энг зўрлари! дейишган шекилли!?
3. Янги автобус, янги форма, янги мураббий ва эски ўйин!
4. Купер таржимонидан “Энг тез қайси транспортда Ўзбекистондан чиқиб кетсам бўлади?” деб сўради...
5. Аргентиналик мутахассис қўл остида футболчиларимиз ўзгариб кетган бўлса, танимай қолсак-а, деб ҳавотирланаётган эдик. Йўқ, ҳайрият ҳаммаси ўша-ўша, ўзимизникилар. Дарров танидик!
6. Матбуот анжумани: Купер таржимонидан яна бир бор сўради “Ким менга тез бориб, биринчи рейсга чипта олиб келиб бера оларкин?!”
7. Эй биродарлар, ахир Купер айтди-ку, “Эртага мўжиза кутманглар” деб! Футболчиларимизга фарқи йўқ, уларга ким мураббийлик қилишини...
8. Футболчиларимиз Куперни кўришди. “Бир кичкина, оқсоч бобойча экан” дейишди.

Бир куни иккита жинни қорни очиб ўйланиб ўтиришган экан, бири дебди:
— Қани энди битта нон бўлса, мен битта тишлардим, сен битта тишлардинг, мен битта тишлардим, - деса шериги:
— Сен нега икки мартта тишлаяпсан? - деб уришиб кетибди.

Хилват кўчадан юриб кетаётган кишининг орқасидан кимдир:
— Тўхта! Пулларингни чиқар! – деб пичоқ тирабди.
Ҳалиги киши ўгирилиб:
— Пулим йўқ. Чунки ҳозиргина ҳамма пулимни сарфлаб, мана бу тўппончани сотиб олдим, - деган экан.

Афанди бозордан икки қоп туз олиб эшагини устига ортиб, ўзи ҳам миниб келаётса, йўлда кўрганлар “Ҳой афанди, инсофинг борми? Икки қоп туз, яна ўзинг ҳам миниб олибсан! Раҳминг келсин”, деса, “Ҳа тўғри айтасиз биродар деб эшакдан сакраб тушиб, эшакдан қопларни елкасига ортиб, қайта эшакка миниб кетибди.

— Дўстим, менга 50 минг берсанг... Эрталабдан бери туз тотганим йўқ.
— Умуман олганда мен ҳам очман...?
— Унда 100 минг бер, сени овқатланишга таклиф қиламан.

Бир куни такси ҳайдовчисини машинасига йиртиқ шим кийган қиз ўтириб:
— Чилонзоргача, - дебди.
Манзилга етиб келгач, ҳайдовчига қиз узатса,
Ҳайдовчи:
— Қизим, шу пулингга яна пул қўшгин-да, устингга бир кўйлак олиб кийгин, - деган экан.

— Инсофинг борми?! Бир ойда олти кишини босиб кетдинг-а!
— Олти киши эмас, беш кишини! Биттасини икки мартта босганман.