Дода латифалар

Олтин балиқ тутиб олганимда “Ҳамиша пулга кўмилиб юрай”, деб тилак билдиргандим. Шундан бери инкассатор бўлиб ишлаяпман. Маошим озлигини айтмаса, тилагим тўла амалга ошди.

— Эшитишимча, сиз циркда шерларни ўйнатар экансиз. Бир нарсага ҳайронман. Сиз кичкинагина, нимжон, озғин бўлсангиз, нега шерлар сизни еб қўймайди?
— Ҳа, ҳамма гап шунда-да! Улар мени семиришимни кутишяпти!

Автобус ўриндиғида қўлига қадаҳ билан ароқ шишасини ушлаб ўтирган маст йўловчини ёнига чиптачи аёл келиб дебди:
— Йўл ҳақи учун қани?!
Маст одам бирдан хурсанд бўлиб:
— Ана! Топдим! Йўл ҳақи учун, мана олдик! – деб қадаҳдаги ароқни ичиб юборибди.

Жарима – бу тўғри йўл тутмаганинг учун тўловингдир.
Солиқлар эса тўғри йўл тутаётганинг учун тўловинг бўлади...

— Дўстим, нега кайфиятинг йўқ?
— Э, кўрмайсанми! Бензин яна ошибди.
— Сенга нима? Ахир сени машинанг йўқ-ку!
— Машинам бўлмаса ҳам, Zippo зажигалкам бор-ку! Унга бензинни ким қуяди!?

Янги келин-куёв чимилдиқда ўтирганмиш. Куёв бармоғидаги узукни айлантириб ўтирган экан, келинни сабри тугаб:
— Сиз бошқа ишни ҳам биласизми? – деса, куёв:
— Биламан. Узукни нариги тарафга ҳам айлантира оламан - дебди.

— Оддий аскар Ҳолдоров!
— Мен, ўртоқ командир!
— Нега формангизни ёқаси тикилмаган?
— Бу сизни қизиқтирмасин! Ўзим биламан!
— Оддий аскар Ҳолдоров. Командир билан қандай гаплашяпсиз?! Нега формангизни ёқаси тикилмаган деб сўрадим сиздан...
— Мен тикишни билмайман.
— Бу мени қизиқтирмайди!
— Мен ҳам айтяпман-ку, бу сизни қизиқтирмасин деб!

Ғалати факт:
Ўзбекистон иқтисодиётини кўтариш учун, Молия вазирлигида ходимлар сонини қисқартириб, таксичиларни кўпайтириш керак.

Врач беморга дебди:
— Ҳўш бемор, эртадан бошлаб спиртли ичимликлар, тамаки ва ёғли овқатлардан воз кечасиз.
— Нима учун? Соғлиғимга тўғри келмайдими? – сўрабди бемор.
— Йўқ! Ҳозир кассага бориб хизмат ҳаққини тўлаб келсангиз, бунга имкониятингиз қолмайди... – дермиш врач.

Бир куни бодринг билан помидор чўмилгани борибди. Карамни ҳам уларга ҳаваси келиб:
— Мен ҳам чўмилсам бўладими? – дебди.
— Майли, фақат кийимларингни ечиб чўмил! – дебди бодринг.
Карам ечинавериб-ечинавериб, йўқолиб қолган экан.