Дода латифалар

Бир куни бодринг билан помидор чўмилгани борибди. Карамни ҳам уларга ҳаваси келиб:
— Мен ҳам чўмилсам бўладими? – дебди.
— Майли, фақат кийимларингни ечиб чўмил! – дебди бодринг.
Карам ечинавериб-ечинавериб, йўқолиб қолган экан.

Врач беморга деди:
— Сизнинг касаллик варақангизни кўздан кечириб, қўрқиб кетдим.
— Нега? Ёмон дардга чалинибманми?
— Ундан ҳам баттар!
Бемор ҳушдан кетиб йиқила бошлаганди, врач қўшиб қўйди:
— Ўзингизни босинг! Сиз яшайдиган тумандаги беморларга бизнинг поликлиника хизмат кўрсатмас экан, холос.

Криминал хабар.
Маньяк ҳужум қилган қиз шошганидан, унинг юзига сумкасидаги газ баллончаси ўрнига "Шанель no 5" атиридан сепиб юборди. Жаҳл билан "Аблаҳ! 150 доллар туради-я, бу атир!" деб маньякни сумкачаси билан уриб, дўппослаб, чалажон қилиб қўйди...

Адвокатга мурожат қилган аёл:
— Айтинг-чи, агар эрим билан ажрашсам, қонун бўйича менга бойликнинг ярми қоладими?
— Ҳа. Тенг ярми! Ўзи нима учун ажрашмоқчи бўляпсиз? – дебди адвокат.
— Йўқ... Мен ҳали-ям бадавлат эркакни қидириб юрибман, - деган экан аёл.

Солиқ идорасида:
— Нима учун йиллик даромадингизни беркитдингиз?
— Бўлмаган гап! Нима қилай, “даромад” катакчасига барча рақамлар сиғмас экан.

Эркак дўстига дермиш:
— Хотинимга нима деб ваъда берганим аниқ эсимда йўқ!
— Нима деб ваъда бергандинг?
— Бир рюмка ароқ ичиб, соат саккизда уйда бўламан деганмидим ёки саккиз рюмка ароқ ичиб, соат бирда уйга келаман деганмидим???

Ишдан қайтган эр хотинига дебди:
— Бугун эрталаб шунчалик аччиқ қаҳва дамлаб берибсанки, ишда умуман ухлолмадим.

Об-ҳаво маълумотлари:
“Туманимиз ҳокимининг хотинига атаб Дубайда тикилаётган мўйнали шубани битказилиши кечиктирилаётгани сабабли, туманимизга қор феврал ойидан бошлаб ёғади”.

Эр:
— Хотин, бугун нима овқат қилдинг? – деб сўраса, хотини:
— Қўй гўштли товуқ шўрва, - деган экан.