Дода латифалар

Йигитларни хотираси яхши эмас!
Биласизми нега?
Севган қизини биринчи кўрган куни, телефон рақамини олган куни, учрашувга чиқган куни, кафега борган куни, гул берган куни, ...
Буларни барчасини эслаб қолишга қийналишади. Шунинг учун ҳаммасини бир кунда бажаришга ҳаракат қилишади.

— Ижтимойи тармоқларда фаол экансан?!
— Ҳа, жудаям.
— Тентак эканингни ҳамма биларкан-да!

Йигит билан қиз ресторанга киришибди. Йигит енгилроқ салатлардан буюртма берибди.
Қиз тез-тез менюга қараб қўярмиш.
Ваниҳоят йигит:
— Бирор иссиқроқ нарса буюртма қиламизми? - деса, қиз хурсанд бўлиб:
— Ҳа, - дебди.
Шунда йигит официантни чақириб:
— Бизга 2 та қайноқ чой! - деган экан.

уйга ширакайф аҳволда келган эр хотинига:
— Пул олиб чиқ! Такси кутиб турибди, - дебди.
Хотини:
— Ким ароқ олиб берди? Уйга келишга ҳам бермадими? - деса, эри:
— Нега бермас экан. Уйга ҳам берди, - деб кастюмини ичидан бир шиша ароқ чиқарибди.

Айрим инсонлар шунақаям "совуқ"ки, уларни қонини ичган чивин шамоллаб қолармуш.

Ҳа, шу ердамидинг ярамас ўғри!
Қани чиқ бу ёққа! - дебди картошка эккан деҳқон қўнғизга қараб.

Бир киши жон берай деб ётса, ошхонадан ширин таомни ҳиди димоғига урилибди.
— Нима пишираётгандинг? - дебди хотинига.
— Ош бошлаб қўйдим, - дебди.
— Тезроқ гуручини дамла! Шу ошдан еб кетай, - деса, хотини:
— Йўқ, ошни азага келадиганларга тайёрлаяпман, - деган экан.

— Алло, алло! Ёрдам беринг. Мен қўлни синдириб қўйдим.
— Мен врач эмасман. Адвокатман. Врачга қўнғироқ қилинг!
— Менга адвокат керак. Синган қўл меники эмас!

Ёз фаслини тўхтатиб туринглар! Мен дам олишга улгурмадим!

Фаррошлик қилиш уят!
Автобусда чиптачи бўлиб ишлаш уят!
Пайнетда ишлаш ҳам уят!
Кўчада ғийбат қилиб, бекорчи бўлиб ўтириш уятмас!