Дода латифалар

Диназаврлар қандай қирилиб кетишган?
Жавоб:
Эркак диназавр аёл диназаврга "Уйда ўтир" деган.
Аёл диназавр "Йўқ" деган.
Эркак диназавр аёл диназаврга яна "Уйда ўтир" деган.
Аёл диназавр яна "Йўқ" деган.
Шундан сўнг Аёл диназавр карантин вақтида эркак диназаврга "Уйда ўтиринг" деган.
Эркак диназавр "Йўқ" деган.
Шу билан диназаврлар қирилиб кетишган.

— Доктор,чап оёғим жуда зирқираб оғрияпти.
— Ёш туфайли бўлса керакда?!
— Ҳа, лекин ўнг оёғим билан тенгдош бўлсаям оғримаяптида...

— Сиздан ҳафаман, - дебди қиз йигитга нозланиб.
— Ҳафа бўлманг, - деб йигит қизни қўлидан ушлабди.
— Мен сиздан жуда-ям қаттиқ ҳафаман, - дермиш қиз йигитга яна кўпроқ ноз-карашма қилиб.

Врач хонасига кириб келган бемордан сўради:
— Сизни нима безовта қиляпти?
— Доктор, мени пулим йўқ экани безовта қиляпти, - дебди бемор.
— Қандай қилиб йўқ нарса сизни безовта қилиши мумкин? - деган экан врач.

Ўқитувчи она тили фанидан "Олмошлар" мавзусини ўтибди.
"Биз" олмошини тушунтириб бериб дебди:
— Уйда яхшилаб такрорланглар, - дебди.
Ўқувчилардан бири "Биз" олмошини яхшилаб тушуниб олиш мақсадида, эшикдан кира солиб ошхона томонга қараб:
— Ойи бизни қорнимиз очиб кетди, овқат еймиз, - деса, ойиси секин ошхонадан бошини чиқариб:
— Ҳой ўртоқларинг кетсин. Кейин овқат ейсан. Ўзи овқат бир кишилик, - дермиш.

Бир ҳайдовчи машинасини бошқариб кетаётса, орқасидан биттаси катта тезликда келиб урибди. Биринчи машина ҳайдовчиси тушиб:
— Бу нима қилганинг?! Шунақа-ям ҳайдайдими? – деб бақира бошлабди.
Орқадан келиб урган машинани ҳайдовчиси бўлса мулойимлик билан узр сўраб:
— Бўлди, ҳаммасини тўлайман. Жонимиз омон қолди-ку! Келинг, соғ қолганимизни нишонлаймиз, - деб дарров машинасидан ароқни олиб, бир рюмкада қуйиб, “Олинг, олинг” деб ичириб юборибди-ю ўзи ичмабди.
Ароқни ичиб юборган ҳайдовчи:
— Ўзинг нега ичмадинг? – деса, орқадан урган ҳайдовчи:
— Ана, ЙПҲ ходимлари келишяпти. Олдин ҳал қилиб олишсин аварияга ким айбдорлиги, - дермиш.

Узоқ вақт кўришмаган иккита ўртоқ кўришиб қолибди:
— Қалайсан дўстим? Нима иш қиляпсан?
— Бизнес. Ўзинг-чи?
— Мени ҳам бизнесим бор. Сенда нима бизнеси?
— Шаҳар марказида рестораним бор. Кундузи беш-олтита, кечаси сал кўпроқ мижоз киради. Сенда-чи?
— Менда тумонот одам навбатда туради. Келажакда яна кенгайтиришни ўйлаб турибман.
— Ҳавасим келяпти? Бизнесинг каттами?
— Жуда катта. 2 та бозорнинг ўртасида сомсахона очганман!

Бир подшоҳнинг жуда ақилли вазири бўлган экан. Бир куни шоҳ вазирини боплаб калака қилмоқчи бўлиб ҳузурига чақиртириб дебди:
— Вазир жаноблари, марҳамат қилиб менга эркак чумолилардан кабоб тайёрлаб келсангиз! Айнан эркак чумолилардан бўлсин! Ахир сиз донишманд аъёнимсиз!
— Хўп бўлади олампаноҳ! – дебди вазир ва тушликка ликопчада 5 та қовурилган чумолини кўтариб келибди. Буни кўрган шоҳ ундан сўрабди:
— Хўш муҳтарам вазир, буларни эркак чумоли эканлигини қандай билдингиз?
— Оддий, - дебди вазир, - Эрталаб чумолиларнинг уясини олдига бориб, уясини бузаётган эдим, мана шу 5 таси менга ўт қўймоқчи бўлишди, - деб жавоб берган экан.

Эрта тонгда бозорга жўнаган эридан хотини сўрабди:
— Ҳа, қаёққа йўл олдингиз?
— Бозордан от сотиб оламан, - дебди эри.
— Худо хоҳласа денг адаси! – дебди хотини.
Эри бўлса:
— Пулим бор. Бозорга кетяпман. Худо хоҳласа ҳам, хоҳламаса ҳам аниқ от оламан, - деб бозорга кетибди.
Бозорда юриб-юриб бир отни танлабди-да, чўнтагига қўлини солса, пуллар йўқ эмиш.
Уйга бўш қайтган эридан хотини:
— От қани адаси? – деб сўраса, эри:
— Худо хоҳласа кисавурлар ўғирлаб кетишди, - дермиш.

Афанди эшагини сотиб, канал очибди. Каналдан анча пул ишлаб, Каптива сотиб олибди.
Афандиларга омад!