Дода латифалар

Суд жараёни кетмоқда. Судья уй эгасига савол берибди:
— Сиз ўғрини ўз уйингизда ушлаб олганингиз ростми?
— Ҳа!
— Уйингизга ўғри кириб олганини қаердан билиб қолдингиз?
— Хотинимга латифа айтиб берсам, шкаф ичидан кулган одамни овози эшитилди...!

Болалар боғчасида янги мусобақа:
Ким биринчи бўлиб кашасини еб қўйса, ўша болага каша емасликка рухсат берилади!

Сира иши юришмаган бир одам болаларга эртак айтиб беряпти:
“Бир бор экан, бир йўқ экан. Ўша нарса пул экан...” деб кўзига ёш келибди.

Заргарлик дўконига кирган йигит соатларга қараб турса, сотувчи қиз келиб дебди:
— Ҳурматли мижоз, сизни омадингиз бор экан. Бизда аёллар зиракларига чегирмалар бошланди. Севган қизингизга арзон нархларда зирак сотиб олишингиз мумкин.
Йигит хафа бўлиб:
— Севган қизим йўқ мени, - дебди.
Сотувчи яна:
— Қанақасига?! Шундай келишган йигитни севган қизи бўлмаса?! Нега ахир? – деса, йигит яна хафа бўлиб:
— Хотиним рухсат бермаяпти, - дермиш.

Чақалоғи билан ўйнаб ўтирган аёл:
— Сенга мазза-да... Овқатланасан, ухлайсан, хожатдан кейин яна овқатланасан, ... ухлайсан... – деб боласига гапираётса, қўшни хонада телевизор кўриб ётган эри:
— Ҳаққим бор! Бугун якшанба - дам олиш куним! – дермиш.

Ота-бола меҳмонга боришибди. Боласи дастурхондаги узумдан олиб ебди-да отасига:
— Дада, узумда “У” витамини бор. Еб туриш керак! – дебди.
Яна бироздан сўнг:
— Дада, ёнғоқда “Ё” витамини бор. Еб туриш керак! – деб ёнғоқни паққос туширибди.
Мезбондан уялиб турган дадаси, уй эгаси ташқарига чиқиши билан ўғлига бир тарсаки туширибди-да, дебди:
— Ўғлим, тарсакида “Т” витамини бор. Еб туриш керак!

Ҳаммом билан бар ёнма-ён жойлашган экан. Бир киши ҳаммомдан кийимсиз чиқиб, барга кирибди-да, барменга дебди:
— Пиво қуй!
Бармен пиво қуйиб бериб, ҳалиги кишига қараб турса, — Нима, кийимсиз одам кўрмаганмисан? – дебди.
Бармен:
— Йўқ кўрганман. Фақат пивони пулини қаердан оларкан деб қараб турибман, - дермиш.

Эр-хотин урушиб қолишибди. Хотин эрига:
— Бундан кейин уйда ҳамма нарса пулли бўлади. Овқат қилиш 15 минг, чой дамлаш 5 минг ва ҳоказо, - дебди. Бироздан кейин эри хотинига қараб:
— Хотин, ёнимда бироз ўтиргин, - деса
Хотини:
— Ёнингизда ўтириш 10 минг, - дебди. Эри қараса чўнтагида 7 минг сўм қолган экан. Хотини "йўқ" деб келмабди.
Кечқурун эри ухлаётса, хотини сумкасини очаётган экан. Эри уйғониб кетиб хотинига:
— Нима қиляпсан ярим кечаси? - деса
Хотини:
— Сизга 3 минг қарз бериб турмоқчиман, - дермиш.

— Эсингдами? Сен билан мактаб пайтларида танишган эдик. Мен сени ҳар куни белингдан қучиб, бўса олардим. Сен эса қизариб кетар эдинг. Сенсиз бир зум ҳам юрмасдим, доим ёнимда бўлардинг.
Бир куни бизни лабаратория хонасида бирга кўриб қолишди. Мен сени 2-қаватдан ташлаб юборишга мажбур бўлдим.
Мени кечир азиз СИГАРЕТИМ...

— Йўлда кетаётсам, жуда кўп пул сочилиб ётибди. Чўнтагимга солавердим, солавердим, ...
Уйғониб кетиб қарасам, тунги кўйлагимни ичига чойшабни тиқиб ташлабман.