Дода латифалар

— Адаси, анча совуқ тушиб қолди. Болаларни кийинтириш керак! Қачон бозорга олиб борасиз?
— Кеча ҳисоблаб кўрдим. Болаларни иссиқ ўлкаларга уч ойга юборсак арзонроқ тушаркан, хотин...

Бир ёлғиз қария автомобилини катта тезликда ҳайдаб кетаётса, орқасидан ГАИ машинаси қувлай бошлабди. Чол тезликни янада ошириб, улардан қочишга уринибди. Охири қараса, қочиб кетишнинг иложи йўқ! Автомобилини тўхтатиб, тушибди. Чолнинг ёнига ГАИ ходимлари келиб:
— Нега биздан қочишга уриндингиз отахон?, - дейишса, қария ўйлаб ҳам ўтирмай:
— Бир неча йиллар илгари хотиним мени ташлаб, ГАИда ишлайдиган эркак билан қочиб кетган эди. Сизларни кўриб, менга хотинимни қайтариб беришмоқчи деб ўйлабман!, - дермиш.

Эри чет элдан хотинига хат ёзибди:
— Салом азизам! Узр ҳаётим бу ой санга пул жўнатомиман. Ўрнига 500та ўпич жўнатвоман. Қабул қилиб ол.
Бир ҳафтадан сўнг хотини жавоб ёзибди:
— Салом азизим! Сиз юборган 500 та ўпични қабул қилдим. Улани 100тасини газчилага, 100тасини сув ва электр энергиясига, 50тасини сутчига, 120 тасини бозор ўчарга ишлатдим. Хавотир олманг, ҳали захирада 130 та ўпич турибди.

Бир аёл "Эрим-ватанимдир!" деб пост қўйибди.
Комментарийда "Ватан - барчамизники!" деб ёзиб қўйилган экан.

Баъзи қоғоздаги ҳисоботлар стрелкасиз соатга ўхшайди.
Рақамлар бор-у, маъноси йўқ!

Тиббиёт институтида ўқитувчи талабаларга савол беряпти:
— Қайси органларда паразитлар кўпроқ яшайди?
Талаба жавоб берибди:
— Давлат органларида энг кўп учрайди...

— Сизнинг пул тўплаш имкониятингиз борми?
— Имкониятим бор, лекин пулим йўқ-да ...

Шифохонада мажлис бўлмоқда. Пульмонолог(ўпка шифокори) ўртага чиқиб:
— Менинг маошимни 2 баробар кўтаришингиз керак. Чунки инсонда ўпка иккита бўлади.
— Қабул қиламиз, жойингизга боринг.
Шундан сўнг қулоқ, кўз, буйрак шифокорлари ҳам шуни талаб қилишибди. Ҳаммаларининг
талаблари қондирилди. Кейин бир шифокор ўртага чиқди. Раҳбарлар сўради:
— Сиз кимсиз?
— Стоматологман.
— Ўтиринг жойингизга!

— Алло, бу устахонами?
— Ҳа, эшитаман!
— Принтерим қоғозларни ғижимлаб ташлаяпти...!
— Жуда яхши. Уни хожатхонага олиб кириб қўйинг.