Дода латифалар

Бир ёлғиз қария автомобилини катта тезликда ҳайдаб кетаётса, орқасидан ГАИ машинаси қувлай бошлабди. Чол тезликни янада ошириб, улардан қочишга уринибди. Охири қараса, қочиб кетишнинг иложи йўқ! Автомобилини тўхтатиб, тушибди. Чолнинг ёнига ГАИ ходимлари келиб:
— Нега биздан қочишга уриндингиз отахон?, - дейишса, қария ўйлаб ҳам ўтирмай:
— Бир неча йиллар илгари хотиним мени ташлаб, ГАИда ишлайдиган эркак билан қочиб кетган эди. Сизларни кўриб, менга хотинимни қайтариб беришмоқчи деб ўйлабман!, - дермиш.

Пошшо бир куни Афандининг олдида ойнага қараб, ўзининг хунуклигидан шикоят қилди:
— Қара, одам ҳам шунақа хунук, бадбашара бўладими?
— Бир марта ойнага қараб шунча хафа бўласиз,— жавоб берди Афанди,— ўлмаган бизнинг жонимиз: ҳар кун сизни ўн марта кўрсак ҳам чидаб юра берамиз.

ЙПҲ ходими ҳайдовчини тўхтатиб сўрай бошлабди:
— Ҳайдовчилик гувоҳномангиз борми?
— Бор, марҳамат.
— Машинани техник кўрик ҳужжатлари борми?
— Албатта.
— Суғурта полиси?
— Бор.
— Аптечка?
— Бор.
— Ўт ўчиргич?
— Бор.
— Ҳамма нарсангиз бўлса, бир ашулани шўхидан қўйинг, қистир-қистир бўлар...!
— Иложи йўқ. Кобальт машинасида ҳамма нарса бор-ку, лекин магнитофон йўқ...

Мезбон:
— Таомингизга қўзиқориндан ҳам солайми?
Меҳмон:
— Йўқ, раҳмат. Мен фақат ўзим терган қўзиқоринларни ейман.
Мезбон:
— Хоҳласангиз, полга сочиб бераман териб чиқасиз.

Келажак ёшлар қўлида. Ёшлар хорижда! Демак, хорижий мамлакатлар ҳам бизни ихтиёримизда экан-да?!

Иккита қўй далада учрашиб қолибди:
— Ба-а-а, - дебди бири.
— Ма-а-а, - дебди иккинчиси.
— Нега “Ма-а-а” деяпсан? – дебди биринчиси.
— Чет тилини ўрганяпман, - деб жавоб берибди қўй.

Хотин эрига дебди:
— Шу ўлгур сигаретни чекмасангиз, ҳозир Малибуда юрган бўлар эдингиз...
Эр хотинига қараб туриб жавоб берибди:
— Сен чекасанми?
— Йўқ, - дебди хотини.
— Унда Малибу қани? – дермиш.

— Ойижон, газ плитамиз нега бунча кир бўлиб кетди?
— Аканг тухум қовурибди.
— Нима, акам товани тополмабдиларми?

Ўғли отасидан сўрабди:
— Ада, одамлар қандай пайдо бўлишган?
Отаси дебди:
— Одам ато ва Момо ҳаводан...
— Ойим ҳамма одамлар маймундан тарқалган дейдилар-ку?! - дебди ўғли.
— Ойингни қариндошлари ҳақида ҳеч нима билмайман, - дермуш адаси.

Ўқитувчи ўқувчиларга:
— Ким 2 ёки 3 баҳо олса, тўғри дўзахга тушади. Ким 4 ёки 5 баҳо олса, жаннатга...
— Вали ўрнидан туриб:
— Устоз мактабни тирик тугатишга умид борми?