Дода латифалар

Қизиқ! Нега йигитлар севган қизини "қизим" дейдию, лекин қизлар йигитларини "ўғлим" дейишмайди.

Вулқоннинг оғзини кўрган америкалик:
— Ҳудди дўзаҳга ўхшайди-я!
Унинг гапини эшитиб, гид ҳайратдан қўлларини ёяди:
— Бу америкаликлар бало-да! Бормаган жойи, кўрмаган нарсаси йўқ.

Эр жаҳл билан хотинига:
— Нимага шимимни фақат ярмини дазмолладинг? - деса.
Хотини:
— Мен сизга 100 марта айтдим, "дазмолимизни сими калта, бошқа дазмол сотиб олинг деб", - дермиш.

Бир жинни жиннихона томига чиқиб олиб тушмаётган эмиш, жиннихона ходимлари нима қилишса ҳам жинни пастга тушмабди. Ғазабланган жиннихона бошлиғи:
— Туш, бўлмаса отаман, деб милтиқ ўқталса ҳам тушмабди. Шу пайт ўша ердан бир жинни ўтиб кетаётган экан, бошлиқ унга:
— Ўртоғинга айт пастга тушсин, - дебди.
Ўтиб кетаётган жинни, милтиқни олиб:
— Пастга тушмасанг отаман - деган экан томнинг бошида ўтирган жинни дарров пастга тушибди.
Ундан, шунча одам айтганида тушмай нега жинни айтганида тушдинг дейишса:
— Аҳир у жиннику, ростдан отиб қўяди - дермиш.

Икки уй бекаси суҳбатидан:
— Дугонажон мен пиёз тўғраганда кўзни ачиштирмайдиган йўлини топдим!
— Вой, ростанми?!
— Менга ҳам ўргат?! Қанақа қилиб?!
— Пиёзни эримга тўғратдим!

Эски ёғочдан ясалган уйнинг олдига, қиммат машина келиб тўхтабди-да ичидан башанг кийинган эркак тушиб, уйга кирибди. Уйда қари чол деразадан кўчани томоша қилиб ўтирган экан.
Эркак унинг рўпарасига ўтириб гап бошлабди:
— Ассалом алайкум, мани танимадиз-а? Ман сизни ўғлингизман. Эсингиздами, 10 йил олдин мани сигарет олиб кел, деб бозорга юборгандиз? Ман шу кетганча шаҳарга кетдим, яхши одамларни учратдим, ишлаб пул топдим, ўзимни бизнесимни бошладим, уй, машина олдим, мана бугун миллионерга айландим, - деса
Дадаси жим қараб турганмиш.
Ўғли:
— Дада бирор нима десангизчи?, - деса
Дадаси:
— Сигарет қани?!, - дермиш

Тўйдан 3 кун ўтиб куёв келинга:
— Азизам сизга "САН" деб муомала қилсам қаршимасмисиз?
Келин:
— Ўзинг биласан!

Бир йигит қизга гап отибди.
— Яхши қиз фигурейзни қатдан олдиз, - деса
Қиз ҳам бўш кемий:
— Магазиндан, - деса
Йигит:
— Башарезга пул етмадими, - дебди

Қизим ичвоганмисан?
Қиз:
— Йўқ ойи нималар деяпсиз?
— Биринчидан деворга суяниб келяпсан, иккинчидан оғзингдан ҳиди келяпти, учинчидан мен ойингмас дадангман!

Бир русчани яхши билмайдиган бола сигарет чекиб ўтирса, ёнига бир рус қиз келиб ўтирибди. У ҳам сигарет чекишни бошлабди.
Шунда бола чекаётган қизга ҳайрон бўлиб:
— Вы что, курица?, - деса
Рус қизнинг жаҳли чиқиб:
— А что, ты петух?, - дебди
Бола қўлидаги сигаретни кўрсатиб:
— Нет, я тоже курица!!!, - дермиш