Бир одам қўшни давлатга ишлагани бориб келибди-ю, қайтиб келгач одамларга мақтана бошлабди:
— Туркия, Арабистоннинг ҳамма шаҳарларига бордим. Жуда мириқиб дам олдим.
Қўшниларидан бири дебди:
— Унда сиз жуғрофияни яхши билсангиз керак?!
— Йўқ! Мен ҳали Жуғрофияга бормадим. Лекин, яқинда у ерга ҳам боришни режалаштирганман, - дермиш ҳалиги одам.
— Ойижон, мен ҳисоблашни ўрганиб олдим, - дебди болакай.
— Жуда яхши-ку! Нимани ҳисоблашни ўргандинг?
— Ҳаммани аҳмоқ деб ҳисоблашни ўрганиб олдим.
Икки дугона суҳбатидан:
— Турмушга чиқганингга афсусланмайсанми?
— Нималар деяпсан? Нима менда юрак йўқми? Ачинаман албатта эримга...
Чарли Чаплин, Алдар Кўса ва Афанди тоғларда юрган экан, олдиларидан дев чиқиб қолибди.
Уччаласи “Бизни қўйиб юбор!” деб девга ялина бошлашибди. Шунда дев:
— Ҳар бирингиз оғзингиздан бирор нарсани олиб ерга ташлайсизлар. Кимнинг нарсасини кўриб, ушлашга улгурсам, мен билан қолади. Агар кўрмасам, қўйиб юбораман, - дебди.
Чаплиннинг оғзида сақичи бор экан. Сақичини ерга ташлаши билан, дев ушлаб олибди.
Алдар Кўсанинг оғзида нос бор экан. Ерга ташлаши билан, уни ҳам дев ушлаб қолибди. Навбат Афандига келибди. Кеча роса тўйиб саримсоқ еган Афанди девга қараб “Куф-ф-ф” дебди. Дев атрофга аланглаб қарабди-да:
— Саримсоқни ҳиди бор-у, ўзи йўқ?! Майли сен уйингга кетавер! – деган экан.
Қўлларимни артиб юриш учун нам салфетка сотиб олдим.
Очиб, биттасини олдим. Қўлларимни артдим кейин столни артдим, бироздан сўнг оёқ кийимимни, сал туриб ...
Сиёсий, маънавий тайёргарликдан ўтган прапоршик Кимсанбоев меҳнат қилиш ҳуқуқи борлигини билиб турса-да, табиатан камтарлиги сабабли ушбу ҳуқуқидан ҳеч фойдаланмайди.
Иккита иноқ дўст дарё бўйича чўмилишаётган экан. Тўсатдан бири чўка бошлабди. Шунда дўстига қараб:
— Ёрдам бер дўстим, мен чўкаяпман! - деса, дўсти:
— Майли дўстим, сени чўкканинг-мени чўкканим... - деган экан.
Севган йигитим кофе банкасига "Ҳаммаси тугади! Сизни ташлаб кетдим", деб ёзиб қўйибди. Шошиб банкани очсам, кофе тўла турибди. Вой ярамас ҳазилкашей!
Ёш болакай ариқдан 2 та балиқ овлабди. Уйга қайтиб боргач, акасига дебди:
— Акажон, челагимда нечта балиқ борлигини айтсангиз, иккаласини ҳам сизга бераман.
Акаси:
— Иккита балиқ бор, - деб болакайни балиқларини олиб қўйган экан.
— Яхши қиз, сизни рақсга таклиф қилсам майлими?
— Мени иккита фарзандим бор!
— Майли, у ҳолда ўтириб дам олаверинг!