Дода латифалар

— Товуқ биринчи яратилганми ёки тухумми?
— Албатта товуқ!
— Нимага?
— У хўрозни чап қовурғасидан яралган.

Бир йигит уйланиб, дўсти билан гаплашиб қолибди. Дўсти сўрабди:
— Мана уйландинг, энди бахтлимисан?
Уйланган йигит:
— Ким уйланиб бахтли бўлибди?
— Кашей. Чунки уни қайнонаси бўлмаган.

Эрталабки тиғиз пайтида Газель машинасига 18 та йўловчини эмас, 48 та йўловчини сиғдира олган Абдусаттор ака Гиннес рекордлар китобига киритилди.

Ҳаётда кўп нарсага эришмоқчимисан? Ундай бўлса ҳеч нарсани орзу қилма!

Тиқилинч автобусда Абдусаттор шимининг чўнтагидан пул олиш учун ўрнидан туриб-ўтирган эди, тик туриб кетаётган 18 йўловчини ҳаяжонлантириб юборди.

Бир мусиқачининг ҳар куни ишдан сўнг клубга бориб, яна мусиқа тинглаш одати бор экан.
Бундан ҳайрон бўлган дўсти ундан сўрабди:
— Нега куни билан мусиқа тинглайсан-да, яна кечқурун клубда мусиқа тинглашга борасан? Бу сенга нима учун керак?
У эса жавоб берибди:
— Ахир менга куни билан пиво ичишга беришмайди-ку!?

— Телефонинг борми?
— Бор!
— Пули борми?
— Йўқ, энди пул топишни ўрганяпти.

Учта балиқ чўмилгани боришибди. Иккитаси чўмилаётса, учинчиси сувга тушмасдан ўтирганмиш.
— Сен нега чўмилмаяпсан? - деб сўрашса, балиқ:
— Мени купальнигим қолиб кетибди, - дермуш.

Бир эркак уйига ҳар куни ичиб келар, эрталаб турса ҳамма ёғи моматалоқ, чўнтагида пуллари йўқ бўлар экан.
Бир куни уйига ичмасдан келиб, атайлаб кўзини юмиб ётса, хотини билан болалари таёқ олиб келиб, энди урмоқчи бўлаётганларида ўрнидан туриб:
— Ҳа, демак бу сенларни ишларинг экан-да!? – деб ҳаммасини қувлаб кетган экан.