Дода латифалар

Афандининг бир бой қўшниси бор экан. У бой нуқул афандига хатларини бепул ёздириб юраркан.
Бир киши сўрабди:
— Афанди, нега нуқул бойни хатларини бепул ёзиб берасан? Ахир у сенга ҳақ тўламайди-ку?!
Афанди дебди:
— Агар бойни хатларини ёзиб бермасам, у менга кўп пул тўлай бошлайдими???

Дорихонадаги ҳолат:
— Яхши қиз, менга оқ рангдаги таблеткадан берсангиз...!
— Бу ер дорихона! Оқ таблеткаларимиз кўп, қайси бирини сўраяпсиз?
— Кўп бўлса, истаган бирортасини бераверинг...

Бир одам аёлини туғруқхонага шошилиб олиб кетаётса, ёш йигит уларни машинасини тўхтатиб:
— Илтимос, қарашиб юборинг. Итариб юборсангиз бўлди..., - дебди.
Шошилган эр, — Йўқ, - деса, хотини:
— Борақолинг адаси. Сизни ҳам автомобилингиз тез-тез бузилиб туради. Майли машинасини итариб келинг. Мен кутиб тураман, - дебди.
Бояги йигит эркакни беш чақирим нарига олиб бориб, болалар майдончасига етгач:
— Мана шу качеляга ўтираман, итариб юборасиз..., - дермиш.

Икки дугона кинога кетишаётганда, йўлларидан бир эркак чиқибди. Дугоналардан бири ҳалиги эркак билан жуда илиқ сўрашибди.
Шунда иккинчиси:
— Бунча узоқ саломлашмасанг, ким бу ўзи? – деб сўраса,
Дугонаси:
— Шунчаки, иккинчи эримнинг, биринчи хотинини, учинчи эри бўлади! – деган экан.

— Сизга қойилман! Қандай қилиб уни бошқаряпсиз?
— Кимни?
— Бемаъни тилингизни-да...

Бир киши газетага эълон берибди.
"Мен иш излаяпман. Маоши кўп бўлиши шарт эмас. Фақат битта шартим, душанбадан жумагача дам олиш, шанба якшанба кунлари эса хордиқ бўлса кифоя" деб ёзиб қўйибди.

Радиода бошловчи:
— Марҳамат, ҳурматли муҳлис. Сизга, яқинларингизга салом ва табрикларингиз бўлса, жўнатиш имкониятини берамиз.
Муҳлис:
— Мени эшитиб турган ҳаммага салом. Айниқса кеча ўғлим бензин оламан, - деб заправкага кетганди. Агар у ҳам мени эшитиб турган бўлса, унгаям алангали салом. Ўғлим, очерединг кеб қолдими болаааам?
— Йўқ, менга кеганида тамом бўлиб қолди

— Устозинг сенга қўшимча савол ҳам бердими?
— Ҳа.
— Нимани сўради?
— Тентакмисан? деди.

Бир киши сотувчидан сўрабди:
— Сизда бокс қўлқопи борми?
— Йўқ.
— Баскетбол коптоги-чи?
— Йўқ унақа нарса!
— Конькилар борми?
— Бу спиртли ичимликлар дўкони! Сиз сўраган нарсаларнинг бирортаси бўлмайди бу ерда!, - дебди асабийлашган сотувчи.
— Унда бир шиша ароқ беринг!, - дебди-ю, паст овозда пичирлаб, — Хотинимни гапини ерда қолдирмадим. Нима қилай, спорт билан шуғулланишга ҳеч нарса бўлмаса...?

Бир одам уйига чилангар чақиртирибди. Чилангар беш дақиқа ичида ишни битирибди-да, уй эгасига қараб, — Ана бўлди. Сиздан эллик минг!, - дебди. Ҳалиги одам:
— Нима? Мен олий маълумотли врач бўла туриб, беш дақиқада эллик минг ишлаб топмайман, - дебди. Чилангар эса:
— Мен ҳам ўқитувчи бўлиб ишлаганимда бунча пул топмасдим!, - деган экан.