Ikkita yigit shiftdagi chiroqqa lampochka o‘rnatmoqchi bo‘lishibdi. Qo‘li yetmagach, biri ikkinchisini yelkasiga chiqibdi. Ancha vaqtdan keyin pastda ko‘tarib turgan yigit yelkasidagi do‘stiga:
— O‘rnatib bo‘ldimi? – desa,
— Sen aylanmasang, qanday qilib o‘rnataman? – dermish.

Er-xotin ajrashish uchun sud zaliga kelishdi.
Xotin:
— Janob sudya, erim oshxonadagi barcha idish-tovoqlarni sotib, pulini “ichib” yuboribdi. Bu er bilan ortiq yashay olmayman!
Er:
— Men ham bunaqa xotin bilan yashay olmayman! Oshxonadagi idishlar yoʻqligini uch haftadan keyin bildi-ya!?

— Doktor bolam, qulog‘im mutlaqo eshitmay qoldi-ya...
— Unda xursand bo‘ling otaxon! Dunyoning tashvishlaridan qutulibsiz.

Bir toshbaqa barga kirib, bir stakan suv olib ketar ekan.
Bir kun, ikkinchi kun, uchinchi kun...
Oxiri barda oʻtirgan boʻri soʻrabdi:
— Hoy toshbaqa, nega uch kundan beri suv tashiysan? – desa, toshbaqa unga:
— Uch kun boʻldi, uyimda yongʻinni oʻchira olmayapman, - degan ekan.

Oʻzbekiston - Suriya oʻyinidan soʻng championat.atsia saytidan eng qiziqarli izohlar toʻplami:

1. “Choʻpon” oʻzgardi! Lekin qoʻylar oʻsha-oʻsha!
2. Kuperni kimdir aldab, “Shu oʻyinchilar - eng zoʻrlari! deyishgan shekilli!?
3. Yangi avtobus, yangi forma, yangi murabbiy va eski oʻyin!
4. Kuper tarjimonidan “Eng tez qaysi transportda Oʻzbekistondan chiqib ketsam boʻladi?” deb soʻradi...
5. Argentinalik mutaxassis qoʻl ostida futbolchilarimiz oʻzgarib ketgan boʻlsa, tanimay qolsak-a, deb havotirlanayotgan edik. Yoʻq, hayriyat hammasi oʻsha-oʻsha, oʻzimiznikilar. Darrov tanidik!
6. Matbuot anjumani: Kuper tarjimonidan yana bir bor soʻradi “Kim menga tez borib, birinchi reysga chipta olib kelib bera olarkin?!”
7. Ey birodarlar, axir Kuper aytdi-ku, “Ertaga moʻjiza kutmanglar” deb! Futbolchilarimizga farqi yoʻq, ularga kim murabbiylik qilishini...
8. Futbolchilarimiz Kuperni koʻrishdi. “Bir kichkina, oqsoch boboycha ekan” deyishdi.

Rossiyada koʻprik qurish uchun Germaniya, Xitoy va Oʻzbekistonlik quruvchilarni chaqirishibdi.
Birinchi boʻlib Germaniyalik quruvchilardan soʻrashibdi:
— Falon kilometrlik koʻprikni qanchadan qurib bitkazasizlar?
Nemislar javob beribdi:
—Zamonaviy texnika va malakali ishchilarimiz bilan sifatli koʻprikni bir yilda qurib beramiz, - deyishibdi.
Keyin Xitoyliklarga shu savolni berishibdi. Ular bunday koʻprikni olti oyda bitirishlarini aytishibdi.
Oxiri Oʻzbekistonlik quruvchilarga shu savolni berishsa, ular shunday javob berishibdi:
— Eng yaqin bayraminglar qachon? Oʻsha bayramga bitirib topshirvaramiz!

— Bobo, siz ham yosh bola boʻganmisiz?
— Ha.
— Bolalar sizni soqolingizi koʻrib, rosa kulishgandir-a?!

Er-xotin ajrashish uchun sud zaliga kelishdi.
Xotin:
— Janob sudya, erim oshxonadagi barcha idish-tovoqlarni sotib, pulini “ichib” yuboribdi. Bu er bilan ortiq yashay olmayman!
Er:
— Men ham bunaqa xotin bilan yashay olmayman! Oshxonadagi idishlar yoʻqligini uch haftadan keyin bildi-ya!?

Bir xaridor nuqul 200 gramm goʻsht sotib olaverar ekan. Kunlar, oylar oʻtib, bir kuni oʻsha doʻkondan 2 kg. goʻsht sotib olibdi. Shunda sotuvchi “Nima boʻldi? Toʻy qilyapsizlarmi?” degan ekan.

Lotin alifbosida oʻqishni bilmaydigan bir yigit doʻkonga kelib soʻrabdi:
— Anavi Sosa sola qancha turadi?
Sotuvchi:
— U Sosa sola emas, Koka kola, - deb jahl bilan gapirsa, yigit:
— Uzr, bilmabman. Yonida turgan Gʻanta qancha? – dermish.